لداخ تنازعہ:ٹرمپ کی چین اوربھارت کے مابین ثالثی کی پیشکش
چین اور بھارت کے درمیان سرحدی تنازعہ پر امریکی صدر ڈونلڈ ٹرمپ نے دونوں ملکوں کو ثالثی کی پیشکش کردی ہے۔
امریکی صدر ڈونلڈ ٹرمپ نے چین اور بھارت کے درمیان سرحدی تنازع کے حل کیلئے ثالثی کی پیشکش کر دی ہے۔ مائیکرو بلاگنگ سائٹ پر امریکی صدر ڈونلڈ ٹرمپ کا کہنا تھا کہ چین اور بھارت کے درمیان لداخ کی سرحد پر کشیدگی پر تشویش ہے۔
We have informed both India and China that the United States is ready, willing and able to mediate or arbitrate their now raging border dispute. Thank you!
— Donald J. Trump (@realDonaldTrump) May 27, 2020
ڈونلڈ ٹرمپ نے کہا کہ واشنگٹن دونوں ممالک کے درمیان سرحدی تنازع کو حل کرنے کے لئے تیار ہے۔
دوسری جانب افغان مسئلہ پر ایک بار پھر امریکی صدر نے افواج واپس بلانے کے عزم کا اعادہ کیا۔ وائٹ ہاؤس میں پریس بریفنگ کے دوران ڈونلڈ ٹرمپ نے کہا کہ امریکا 19 سال سے افغانستان میں فوج کی بجائے پولیس کا کردار ادا کر رہا ہے، مگر اب بہت ہو چکا، وقت اگیا ہے کہ اپنی افواج کو گھر واپس بلایا جائے۔
انہوں نے کہا کہ افواج کو واپس بلانے کی حتمی تاریخ کا فیصلہ نہیں کیا گیا۔ افغانستان میں 7 ہزار کے قریب جبکہ عراق میں 4 ہزار کے قریب امریکی فوجی موجود ہیں۔ ٹرمپ نے یہ بھی کہا کہ شام کی سرحد سے امریکی افواج ہٹانے کے باوجود وہاں سب ٹھیک ہے۔
