ہوم   > بین الاقوامی

‘ایٹم بم کا استعمال حرام ہے’

SAMAA | - Posted: Oct 9, 2019 | Last Updated: 4 months ago
SAMAA |
Posted: Oct 9, 2019 | Last Updated: 4 months ago

ایرانی سپریم لیڈر آیت اللہ علی خامنہ ای نے کہا ہے کہ ایران چاہتا تو بہت پہلے ہی نیوکلیئر بم بنا سکتا تھا لیکن ہم نہیں بنائیں گے کیونکہ اسلام میں اس کا استعمال حرام ہے۔

خامنہ ای نے اپنے ٹویٹر اکاؤنٹ پر ایک ویڈیو جاری کی ہے جس میں وہ علمی شخصیات اور باصلاحیت سائنسدانوں سے گفتگو کررہے ہیں، ان کا کہنا ہے کہ اگرچہ ہم اس (ایٹم بم بنانے کے) راستے پر چل سکتے تھے تاہم اسلامی تعلیمات کے مطابق بہادری اور پختگی کے ساتھ کہتے ہیں کہ ہم اس راستے پر نہیں چلیں گے۔

انہوں نے مزید کہا کہ ایٹم بم کے استعمال کی طرح اس کی تیاری اور ذخیرہ اندوزی بھی غلط ہے، اگر ہمارے پاس ایٹم ہوتا تب بھی یہ ناممکن تھا کہ ہم اسے کہیں بھی استعمال کرتے، اسلامی تعلیمات کے مطابق یقیناً یہ حرام ہے۔

ایران ہمیشہ سے ایٹم بم کی تیاری سے انکار کرتا رہا ہے، تہران کا مؤقف ہے کہ ان کا نیوکلیئر پروگرام صرف پرامن توانائی کے حصول اور طبی مقاصد کیلئے ہے۔

گزشتہ سال مئی میں امریکی صدر ڈونلڈ ٹرمپ نے 2015ء میں کئی گئی تاریخی ڈیل سے علیحدگی کا اعلان کردیا تھا، جس کے تحت ایران کو نیوکلیئر پروگرام پر پابندیوں میں کچھ نرمی حاصل ہوگئی تھی۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
NUCLEAR BOMB, ATOM BOMB, USA, EUROPE,
 
 
 
مقبول خبریں
مقبول خبریں
 
 
 
 
 
Facebook Twitter Youtube