پاکستان نے سلامتی کونسل کی رکنیت کیلئے بھارت کی حمایت کر دی

June 27, 2019

پاکستان نے اقوام متحدہ کی سلامتی کونسل کی دو سال کی رکنیت کےلئے بھارت کی حمایت کر دی۔

بھارت اقوام متحدہ کی سلامتی کونسل کے غیر مستقل رکن کیلئے ایشیا پیسفک گروپ سے بلا مقابلہ نامزد ہوا تھا۔

ایشیا پیسفک گروپ میں شامل تمام 55 ممالک نے بھارت کی نامزدگی کی مشترکہ حمایت کی۔

چین نے سلامتی کونسل میں مسعود اظہر پر پابندی کی قرارداد پھر ویٹو کردی

پاکستان نے بھی سفارت کاری کی دو طرفہ اصولوں کی بنیاد پر پڑوسی ملک کی حمایت کی۔ دوہزار اکیس بائیس کیلئے غیر مستقل نشست کے انتخابات جون 2020 میں ہوں گے۔

ایشیا پیسیفک گروپ نے اقوام متحدہ کی اقتصادی اور سماجی کونسل کی نائب صدارت اور یونیسف ایگزیکٹو بورڈ کی رکنیت کیلئے پاکستان کی حمایت کی تھی۔ پاکستان 2012 اور 2013 میں سلامتی کونسل کا غیرمستقل رکن تھا۔