ہوم   > Latest

جرمن چانسلر قومی ترانے کے دوران کانپنے کیوں لگیں؟

4 months ago

جرمن چانسلر اینجلا مرکل جب یوکرین صدر کے ساتھ قومی ترانا سننے ڈائیس پر پہنچیں تو اس وقت کیمرے پر لگی ہر آنکھ حیران رہ گئی جب انہوں نے جرمن چانسلر کو بہت بری طرح کانپتے دیکھا۔

خبر رساں ایجنسی کے مطابق جرمنی کے دورے پر آئے نو منتخب یوکرینی صدر ولودیمیر زیلینسکی کے استقبالیہ میں جرمن چانسلر انجیلامرکل کے کانپنے کی وڈیونے سب کو حیران کردیا۔

استقبالیہ تقریب میں دونوں ممالک کے ترانے بجانے کے دوران یوکرینی صدر کے ساتھ کھڑی جرمن چانسلر انجیلامرکل بُری طرح کانپتی اور ہونٹ بھینچ کر اپنے آپ پر قابو پاتی نظر آئیں۔

ترانے ختم ہونے تک خود کو سنبھال کر انجیلامرکل یوکرینی صدر کے ساتھ چلی گئیں۔ صحافیوں کے استفسار پر انجیلامرکل نے اپنے ٹھیک ہونے اور کانپنے کی وجہ پانی کم پینا بتائی۔

ایک خبر رساں ادارے کا کہنا ہے کہ گرمی کی شدت کی وجہ سے جرمن چانسلر کی طبیعت ناساز ہوئی۔ 64 سالہ چانسلر کو پانی کی کمی کے باعث ایسی صورت حال کا سامنا رہا۔

واضح رہے کہ جرمن چانسلر نے اگلے سال 2021 میں چوتھی بار منتخب ہونے کے بعد عہدے سے علیحدگی کا اعلان کیا ہے۔

 

آپ کے تبصرے

Your email address will not be published.

 
متعلقہ خبریں
 
 
 
 
 
 
 
 
مقبول خبریں