سری لنکا دھماکے ،ڈونلڈ ٹرمپ کی ٹوئٹ نے سب کو حیران کردیا

April 21, 2019

امریکی صدر ڈونلڈ ٹرمپ سری لنکا دھماکوں کی مذمت کرتے ہوئے جذباتی ہوگئے، ٹوئٹر پیغام میں ایک سو اڑتیس ہلاکتوں کو ایک سو اڑتیس ملین یعنی تیرہ کروڑ اسی لاکھ افراد لکھ دیا، صارفین کی جانب سے نشاندہی کے بعد ٹرمپ نے ٹوئٹ ہٹا کر دوسرا ٹوئٹ کردیا۔

امریکی صدر نے ٹوئیٹ میں لکھا کہ سری لنکا میں ہونے والے خوفناک دھماکوں پر امریکی عوام کی جانب سے اظہار مذمت کرتے ہیں۔

امریکا سری لنکا کی مدد کے لیے تیار ہے۔۔ان دھماکوں میں ایک سو اڑتیس ملین افراد ہلاک اور چھ سو سے زائد افراد زخمی ہوئے ہیں۔

کئی صارفین نے صدر ٹرمپ کی غلطی کی نشاندہی کی اور حیرت کا اظہار کرتے ہوئے لکھا کہ سری لنکا کی تو اتنی آبادی بھی نہیں جتنی ٹرمپ نے ہلاکتیں لکھ دی ہیں، نشاندہی کے بعد ٹرمپ نے غلطی والا ٹوئیٹ ڈیلیٹ کرکے نیا ٹوئیٹ کردیا۔

واضح رہے کہ سری لنکا میں ایسٹر کے موقع پر دارالحکومت سمیت متعدد شہروں میں بم دھماکوں میں ہلاک افراد کی تعداد 160 تک پہنچ گئی ہے، جب کہ دھماکے سے 300 سے زائد افراد زخمی بھی ہوئے۔ مرنے والوں میں 9 غیر ملکی اور پولیس اہل کار بھی شامل ہیں۔