امریکا میں بارش اور طوفان، بچی اور خاتون سمیت 5 افراد ہلاک، متعدد زخمی

April 20, 2019

امریکا میں بارشوں اور طوفانوں نے جنوبی اور وسط مغربی علاقوں میں تباہی مچادی، 8 سالہ بچی اور خاتون سمیت 5 افراد ہلاک اور متعدد زخمی ہوگئے۔ طوفان مشرق کی جانب بڑھ رہا ہے۔

امریکا شدید موسم کی لپیٹ میں ہے، بارشں اور طوفانی جھکڑوں نے جنوبی اور وسط مغربی ریاستوں میں ہلچل مچادی، مسی سپی، فلوریڈا، ٹیکساس اور الاباما مختلف حادثات میں 5 افراد ہلاک ہوگئے۔

رپورٹ کے مطابق مسی سپی میں درخت گرنے سے ایک شخص ہلاک ہوا، سینٹ کلیر کاؤنٹی میں ایک درخت مکان پر جاگرا، جس سے خاتون کی موت واقع ہوئی، تیسری ہلاکت ریاست الاباما میں ہوئی، یہ واقعہ بھی درخت گرنے سے ہی پیش آیا، دیگر حادثات میں کئی افراد زخمی بھی ہوئے۔

مسی سپی میں خراب موسم کے دوران گاڑی کو حادثے میں ایک 24 سالہ نوجوان ہلاک ہوا۔

رپورٹ کے مطابق متعدد مکانات کی چھتیں اڑ گئیں، ہر جانب املاک بکھری پڑی ہیں، سیلابی پانی سے معمولات زندگی مفلوج ہوئے ہیں، پول گرنے کے باعث ایک لاکھ سے زائد افراد بجلی سے محروم ہوگئے۔