Friday, August 14, 2020  | 23 Zilhaj, 1441
ہوم   > Latest

کرائسٹ چرچ،2مساجد پر حملہ،49سے زائد نمازی شہید،متعدد زخمی

SAMAA | - Posted: Mar 15, 2019 | Last Updated: 1 year ago
SAMAA |
Posted: Mar 15, 2019 | Last Updated: 1 year ago

نیوزی لینڈ میں 2 مسجد پر فائرنگ کے واقعہ میں 49 افراد جاں بحق، جب کہ متعدد زخمی ہوگئے۔ مسجد میں نماز کیلئے موجود بنگلہ دیشی کرکٹ ٹیم کے کھلاڑی محفوظ رہے۔ غیر ملکی خبر ایجنسی کے مطابق نیوزی لینڈ کے شہر کرائسٹ چرچ کی ایک مسجد میں نماز جمعہ کے وقت مسلح شخص داخل...

نیوزی لینڈ میں 2 مسجد پر فائرنگ کے واقعہ میں 49 افراد جاں بحق، جب کہ متعدد زخمی ہوگئے۔ مسجد میں نماز کیلئے موجود بنگلہ دیشی کرکٹ ٹیم کے کھلاڑی محفوظ رہے۔

غیر ملکی خبر ایجنسی کے مطابق نیوزی لینڈ کے شہر کرائسٹ چرچ کی ایک مسجد میں نماز جمعہ کے وقت مسلح شخص داخل ہوا اور خود کار ہتھیار سے اندھا دھند فائرنگ شروع کر دی جس سے مسجد میں موجود 49 افراد جاں بحق ہوگئے۔ نیوزی لینڈ کی وزیراعظم کی جانب سے پریس کانفرنس میں جاں بحق افراد کی تصدیق کی گئی۔

غیر ملکی ذرائع ابلاغ کے مطابق مسجد میں بنگلہ دیشی کرکٹ ٹیم کے کچھ کھلاڑی بھی نماز جمعہ کی ادائیگی کیلئے موجود تھے، جو حملے میں محفوظ رہے۔  بنگلا دیشی ٹیم کے کھلاڑیوں کو مسجد کے پچھلے دروازے سے بمشکل نکالا گيا، جہاں سے انہوں نے تيزي سے نکل کر جان بچائي۔

 

حکام کے مطابق نماز جمعہ کی ادائیگی کیلئے پانچ سو سے زائد افراد مسجد میں موجود تھے ۔ پندرہ گاڑيوں ميں سوار پوليس اہلکاروں نے بچ جانے والے نمازيوں کو بحفاظت باہر نکالا  ۔ کرائسٹ چرچ کے تمام اسکولوں ميں لاک ڈاؤن کرديا گيا ہے۔ بچوں کو اسکول سے باہر نہ نکلنے کي ہدايت کي گئي ہے۔ انتظامیہ کی جانب سے اسپتالوں کے عملے کو باہر نہ نکلنے کي ہدايت کي گئي ہے، جب کہ معمول کے اپوائنٹمنٹ بھي منسوخ کرديئے گئے ہيں۔

 

عینی شاہدین کا کہنا ہےکہ فائرنگ کے واقعے میں متعدد افراد کو گولیاں لگی ہیں جن کی حالت تشویشناک بتائی جاتی ہے۔ عینی شاہدین کے مطابق متعدد افراد نے مسجد سے بھاگ کر جان بچائی۔ حملے کی اطلاع ملتے ہی اسپتالوں میں ایمر جنسی نافذ کردی گئی ہے۔

نیوزی لینڈ کی وزیراعظم کے مطابق آج کا دن ملک کی تاریخ کا سیاہ ترین دن ہے۔ سماء سے گفت گو میں پاکستانی ہائی کمشنر کا کہنا تھا کہ نیوزی لینڈ میں اس سے قبل ایسا کوئی واقعہ رونما نہیں ہوا۔ حملے میں کسی پاکستانی کی شہادت یا زخمی ہونے کی اطلاع نہیں ملی۔

 

حملے کے بعد علاقے میں موجود گرجا گھر اور تعلیمی اداروں کو بھی بند کردیا گیا ہے۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube