افغانستان میں خود کش حملہ، 19 افراد ہلاک، 57 زخمی

Samaa Web Desk
September 11, 2018

افغانستان کے مشرقی صوبہ ننگرہار میں احتجاج کے دوران خودکش حملے میں 19 مظاہرین ہلاک اور 57 زخمی ہوگئے۔

غیر ملکی خبر ایجنسی کے مطابق گورنر ننگرہار کے ترجمان عطاء اللہ خوگیانی نے بتایا کہ مظاہرین مقامی پولیس چیف کی تعیناتی کیخلاف مظاہرہ کر رہے تھے کہ خودکش دھماکا ہوگیا۔

صوبائی محکمہ صحت کے ترجمان انعام اللہ مائی خیل نے خودکش حملے میں 19 افراد کی ہلاکت اور 50 سے زائد کے زخمی ہونے کی تصدیق کی ہے۔

ترجمان نے کہا کہ خودکش حملے میں زخمی ہونے والوں کو جلال آباد کے اسپتال منتقل کردیا گیا ہے۔