نائین الیون کو17برس بیت گئے،امریکا بھرمیں تقریبات ہونگی

September 11, 2018

امریکا میں نائن الیون کے واقعے کو 17 برس بیت گئے۔ سانحے میں جہاں تین ہزار سے زائد افراد ہلاک ہوئے وہیں اس واقع نے دنیا پرنہ مٹنے والے اثرات چھوڑے۔

گیارہ ستمبر دو ہزار ایک میں امریکا پر قیامت اس وقت ٹوٹی جب نیویارک میں بلند ترین عمارت ورلڈ ٹریڈ سینٹر کو دہشت گردی کا نشانہ بنایا گیا۔ دو مغوی طیاروں کو عمارت سے ٹکرا دیا گیا۔ سانحے میں تین ہزار مقامی اور غیر ملکی باشندے ہلاک ہوگئے، جبکہ چھ ہزار سے زائد افراد زخمی ہوئے۔

اس حملے کی آڑ میں شروع ہونے والی جنگ کے اثرات دنیا خصوصا مسلمان آج بھی بھگت رہے ہیں۔ اس سانحے کی یاد میں امریکا بھر میں تقریبات کا انعقاد کیا جاتا ہے۔