Thursday, January 20, 2022  | 16 Jamadilakhir, 1443

امریکہ نے یہودیوں سے متعلق اہم بیان دے دیا

SAMAA | - Posted: Dec 5, 2016 | Last Updated: 5 years ago
SAMAA |
Posted: Dec 5, 2016 | Last Updated: 5 years ago

U.S. Secretary of State John Kerry speaks about the Ukraine crisis after his meetings with other foreign ministers in Paris, March 5, 2014. Kerry spoke to reporters at the U.S. ambassador's residence in Paris.  REUTERS/Kevin Lamarque   (FRANCE - Tags: POLITICS)

واشنگٹن: امریکا کے وزیر خارجہ جان کیری نے کہا ہے کہ فلسطینی زمین پر اسرائیلی بستیوں کی تعمیر قیام امن کی راہ میں رکاوٹ ہیں۔

امریکا کے وزیر خارجہ جان کیری نے اسرائیل کی جانب سے فلسطینی زمین پر رہائشی بستیوں کی مستقل تعمیر کو دونوں ملکوں کے درمیان قیام امن کے راستے میں ایک رکاوٹ قرار دیتے ہوئے کہا ہے کہ اسرائیل ایک خطرناک سمت کی طرف جا رہا ہے۔

ذرائع ابلاغ کے مطابق جان کیری نے دارالحکومت واشنگٹن میں بروکنگ انسٹیٹیوٹ کے سابان فورم کی سالانہ کانفرنس سے خطاب میں فلسطین اور اسرائیل کے موضوع کا جائزہ لیا۔

انہوں نے اسرائیل کے وزیر اعظم بینجمین نیتن یاہو کے سابان فورم سے خطاب میں کہے گئے ان الفاظ کے خلاف کہ ”آبادکاری کی پالیسی امن مذاکرات کے راستے کی رکاوٹ نہیں ہے“ پر ردعمل کا اظہار کرتے ہوئے کہا کہ وہ نیتن یاہو کے ان الفاظ کی تائید نہیں کرتے۔

انہوں نے کہا کہ خود کو بہلانے کی ضرورت نہیں ہے، آپ ہر چیز کو نظر انداز کر رہے ہیں تو اس کا یہ مطلب نہیں ہے کہ اس چیز کا کوئی اثر ہی نہیں ہے۔انہوں نے کہا کہ اسرائیل کو فلسطین کے ساتھ جس مسئلے کا سامنا ہے وہ صرف ان دو ممالک کو ہی متاثر نہیں کرتا بلکہ اسرائیل اور عرب ممالک کے درمیان تعلقات بھی ان جھڑپوں کی وجہ سے متاثر ہو رہے ہیں۔

جان کیری نے کہا کہ جب تک اسرائیل ، فلسطین کے ساتھ اپنے تعلقات کو ٹھیک نہیں کرتا اس وقت تک اسرائیل اور عرب ممالک کے درمیان بھی کوئی علیحدہ سے امن سمجھوتہ نہیں ہو گا۔

امریکی وزیر خارجہ نے کہا کہ اسرائیل، دو حکومتی حل کی کوشش کو اور آبادکاری کی پالیسی کو بیک وقت جاری نہیں رکھ سکے گا،اس لئے اسے دونوں میں سے ایک کا انتخاب کرنا ہو گا۔ سماء /اے پی پی

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube