Wednesday, December 8, 2021  | 3 Jamadilawal, 1443

پاکستان میں کرونا وائرس کے کیسز میں کمی آنے لگی

SAMAA | - Posted: Oct 27, 2021 | Last Updated: 1 month ago
SAMAA |
Posted: Oct 27, 2021 | Last Updated: 1 month ago

این سی او سی کے سربراہ اسد عمر نے کہا ہے کہ کرونا وائرس کی شرح انتہائی کم ریکارڈ کی گئی ہے۔

بدھ کو ٹویٹ کرتے ہوئے این سی او سی کے سربراہ اسد عمر نے بتایا کہ کرونا کیسز کی شرح اب انتہائی کم ریکارڈ کی گئی ہے اور انتہائی نگہداشت کے شعبوں میں کرونا مریضوں کی تعداد بھی انتہائی کم ہے۔

انھوں نے بتایا کہ کرونا سے روزانہ اموات میں بھی کمی آئی ہے اور وائرس سے بچاؤ کی ویکسینیشن کےمثبت اثرات سامنے آرہے ہیں۔ اسد عمر نے زور دیا کہ ملک میں کرونا ویکسینیشن مہم جاری رہنی چاہیے۔ اسد عمر نے یہ بھی کہا کہ دنیا بھر میں منگل کو کرونا وائرس سے مجموعی طور پر 7 ہزار 500 اموات رپورٹ ہوئی ہیں۔

این سی او سی کی جانب سے بدھ کو ٹویٹ کرتے ہوئے بتایا گیا کہ پچھلے 24 گھنٹوں میں کرونا وائرس کے 38 ہزار430 ٹیسٹ کئے گئے۔اس دوران صرف 516 مثبت کیسز رپورٹ ہوئے اور شرح 1.34 فیصد رپورٹ کی گئی۔ کرونا سے 13 اموات رپورٹ ہوئیں جبکہ انتہائی نگہداشت میں 1445 مریض موجود ہیں۔

اکیس اکتوبر کو اسد عمر نے ٹویٹ کرتےہوئے کہا تھا کہ ملک میں اگر شہریوں کی بڑی تعداد غیر ویکسین شدہ رہی تو وباء میں کمی کے باوجود خطرہ برقرار رہے گا۔ انھوں نے ضرور دیا کہ کرونا سے بچاؤ کیلئے ویکسین کی دوسری خوراک لازم ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube