ملک میں پولیو کیسز کی تعداد 48 تک پہنچ گئی

August 13, 2019

ملک میں پولیو وائرس پھیل رہا ہے، رواں سال اب تک 36 کیسوں کے اضافے سے تعداد 48 تک پہنچ گئی ہے۔وائرس پر قابو نہ پایا گیا تو پاکستانی شہریوں کے بیرونی ملک سفر پر پابندی کے خدشات بڑھ سکتے ہیں۔

ملک میں رواں سال پولیو کیسوں کی تعداد 12  سے بڑھ کر 48 ہوگئی ہے۔ سب سے زیادہ خیبر پختونخوا میں 36 کیس رپورٹ ہوئے۔

ماہرین کے مطابق پولیو میں اضافے کی وجہ والدین کا بچوں کو پولیو سے بچاؤ کے قطرے پلانے سے انکار ہے۔

پاکستان سے بیرون ملک جانے والوں کے لئے بھی پولیو سے بچا ؤ کے قطرے لازمی قرار دے دیئے گئے ہیں۔

عالمی اداروں کی کوششوں سے دنیا پولیو کے وائرس سے پاک ہوچکی ہے مگر پاکستان ، افغانستان اور نائجیریا میں اب بھی یہ وائرس موجود ہے۔