زیادہ موبائل فون استعمال کرنے والوں کی کھوپڑی کی ہڈی کے ساتھ کیا ہوتا ہے؟

June 22, 2019

آسٹریلیا میں کی جانے والی ایک تحقیق میں انکشاف کیا گیا ہے کہ زیادہ موبائل فون استعمال کرنے والوں کی کھوپڑی کی ہڈی بڑھ جاتی ہے۔

آسٹریلوی تحقیق کاروں کا کہنا ہے کہ جو لوگ زیادہ موبائل فون استعمال کرتے ہیں ان کی کھوپڑی کی ہڈی ایک خاص طریقے سے بڑھنا شروع ہو جاتی ہے جیسے کہ ان کے سر پر سینگ نکل رہے ہوں۔

یونیورسٹی آف سن شائن کوسٹ کے ماہرین نے تحقیق کے دوران درجنوں لوگوں کی کھوپڑیوں کے ایم آر آئی سکین کیے۔

ان میں جو لوگ زیادہ موبائل فونز استعمال کر رہے تھے ان کے سر کی ہڈی درمیان میں سے اوپر کی طرف سینگ کی طرح بڑھ رہی تھی۔

ایسے لوگ جو گزشتہ دس سال سے زیادہ فون استعمال کرتے آرہے تھے ان میں یہ ہڈی دو اعشاریہ سترہ سینٹی میٹر سے زیادہ لمبی ہو چکی تھی جبکہ اکثر لوگوں میں یہ دس سے تیس ملی میٹر لمبائی کی تھی۔

ہڈی کا اس طرح بڑھنا کسی خطرے کی علامت تو نہیں مگر یہ اس پوزیشن میں بیٹھنے کی علامت ضرور ہے جس پوزیشن میں ہم فون پکڑ کر بیٹھتے ہیں۔