لاڑکانہ میں ایچ آئی وی مریضوں کی تعداد 510 تک پہنچ گئی

May 15, 2019

لاڑکانہ میں 17 ہزار سے زائد افراد کی اسکریننگ مکمل کرلی گئی، ایچ آئی وی سے متاثرہ مریضوں میں روز افزوں اضافہ ہوتا جارہا ہے، رتو ڈیرو میں 510 افراد میں وائرس کی تصدیق ہوگئی۔

محکمہ صحت کے مطابق لاڑکانہ میں صورتحال مزید سنگین ہوگئی، 17 ہزار سے زائد افراد کی اسکریننگ کے دوران رتو ڈیرو میں 510 افراد میں ایچ آئی وی وائرس کی تصدیق ہوچکی ہے، زیادہ تعداد بچوں کی ہے۔

ادھر علاج کیلئے ایچ آئی وی ٹریٹمنٹ سینٹر آنے والے مریضوں کے رش پر خاتون ڈاکٹر غصے میں آگئیں، مریضوں پر چلانے لگیں۔ مریضوں کو کرسیوں سے ہٹادیا، بولیں کہ کرسیوں سے اٹھو یہاں ہیلتھ ورکرز بیٹھیں گے۔