بلوچستان کے 24 مزید اضلاع میں زچہ وبچہ کے غذائی منصوبے کی توسیع کا کام مکمل

September 14, 2018

بلوچستان میں صوبائی محکمہ صحت نے صوبے کے 24 مزید اضلاع میں زچہ وبچہ کے غذائی منصوبے کی توسیع کا کام مکمل کرلیا ہے۔ بلوچستان کے سیکرٹری صحت محمد نصر نے کہا ہے کہ نئے اضلاع تک منصوبے کی توسیع صوبائی کا بینہ کی منظوری کی منتظر ہے۔

 

 ان کا مزید کہنا تھا کہ اس سے پہلے منصوبے کو صوبے کے 7 اضلاع میں نمایاں کامیابی حاصل ہوئی ہے جہاں اس کے پہلے مرحلے کا آغاز کیا گیا تھا۔ سیکرٹری صحت نے کہا کہ اس منصوبے سے ڈیرہ بگٹی ، کوہلو، پنجگور، قلعہ سیف اللہ، لسبیلہ، نوشکی اور خاران میں شرح اموات کو کم کرنے میں مدد ملی ہے۔

 

 انہوں نے کہا کہ اس پروگرام کے تحت محکمہ صحت کی طرف سے کئے گئے محتاط اقدامات کے نتیجے میں گزشتہ 10 برس کے دوران پانچ سال سے کم عمر بچوں میں غذائی کمی کی شرح کم ہو کر 23 فیصد رہ گئی ہے،انھوں نے کہا کہ خون کی کمی کا شکار افراد کی شرح میں 10 فیصد کمی کا ہدف بھی حاصل کر لیا گیا ہے۔