پشاور میں ڈٰینگی سے نمٹنے کے لیے ہنگامی اقدامات کی ہدایت

July 12, 2018

پشاور کے علاقہ اچینی بالا میں ڈینگی اسپرے کیا جارہا ہے

پشاور میں ڈینگی کیس سامنے آنے کے بعد بلدیاتی اداروں نے ہنگامی اقدامات کی حکمت عملی طے کرلی ہے جبکہ شہریوں میں آگاہی کے لیے بھی مہم چلانے کا فیصلہ کیا گیا ہے۔

محکمہ بلدیات کی جانب سے پشاور کے تمام ویلج اور نیبر ہڈ سیکریٹریز، چاروں ٹاون کی انتظامیہ اور ضلعی حکومت کو ہنگامی اقدامات اٹھانے کے احکامات جاری کئے ہیں۔

اسی طرح متاثرہ علاقوں میں فی الفور اسپرے شروع کرنے سمیت آگاہی مہم کی منصوبہ بندی کرلی گئی ہے۔ تمام ویلج اور نیبر ہڈ کونسلوں کو ہدایت جاری کی گئی ہے کہ اپنے علاقے کی ضرورت کے مطابق اسپرے، پمپ اور دیگر سامان جلد از جلد خریدا جائے۔

دوسری جانب محکمہ بلدیات نے محکمہ صحت کے اشتراک سے ڈینگی سے متاثرہ افراد کو طبی سہولیات فراہم کرنے کی حکمت عملی تیار کرلی ہے۔