Thursday, June 24, 2021  | 13 ZUL-QAADAH, 1442

اداکار مانی شہرت کیلئے سوشل میڈیا کےمنفی استعمال پر برہم

SAMAA | - Posted: Jun 10, 2021 | Last Updated: 2 weeks ago
Posted: Jun 10, 2021 | Last Updated: 2 weeks ago

اداکار سلمان شیخ عرف مانی شہرت کے لیے سوشل میڈیا کے منفی استعمال پر ناراض ہوگئے ۔

اداکار سلمان شیخ عرف مانی نے انسٹاگرام پر پوسٹ شیئر کی جس میں ان کا کہنا تھا کہ آج کل کے مواد اور تنازعات میں کیا فرق ہے؟ سال 2000 کی ابتدا میں جب میں نے اپنے کیریئر کا آغاز کیا اس وقت وہی رائٹرز اور میزبان کامیاب تھے جن کے پاس ناظرین کو دینے کے لیے ہر ہفتے اچھا مواد ہوا کرتا تھا۔

مانی نے لکھا کہ اگر کسی کے پاس نیا آئیڈیا نہیں ہوتا تھا تو وہ اس فیلڈ میں آگے نہیں بڑھ پاتا تھا اور نہ ہی اسے زیادہ مواقع ملتے تھے۔

انہوں نے اپنی پوسٹ میں لکھا کہ آج کے دور میں 10 منٹ کی توجہ حاصل کرنے کے لیے ٹک ٹاک، اسنیک ویڈیو اور وی لاگ جیسی بہت چیزیں آچکی ہیں جبکہ آئیڈیاز اور مواد کہیں غائب ہوگئے ہیں اور ان کی جگہ تنازعات نے لے لی ہے۔

مانی نے افسوس کا اظہار کرتے ہوئے لکھا کہ کچھ لوگ تو محض چند منٹ شہرت کے لیے اپنا پورا کیریئر خطرے میں ڈال دیتے ہیں۔

اداکار نے سوال کیا کہ کیا اب ہمیں ذہانت، لکھنے کی صلاحیت، قلم جیسی چیزوں کو دفن کردینا چاہیے؟

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube