Monday, August 2, 2021  | 22 Zilhaj, 1442

لاہوراب کبھی پہلےجیسانہیں ہوگا: فرہاد ہمایوں کیلئے سیلیبرٹیزکےدل گداز پیغامات

SAMAA | - Posted: Jun 9, 2021 | Last Updated: 2 months ago
Posted: Jun 9, 2021 | Last Updated: 2 months ago

فائل فوٹو

معروف میوزیکل بینڈ اوورلوڈ کےموسیقارفرہاد ہمایوں انتقال کرگئے۔ نوجوان موسیقار کے انتقال پرشوبز ساتھیوں نے گہرے رنج وغم کا اظہارکرتے ہوئے فرہاد کے ساتھ گزری یادیں شیئرکیں۔

برین ٹیومرکا شکار فرہاد ہمایوں کےانتقال کی اطلاع بینڈ کے آفیشل فیس بک پیج پردی گئی، وہ معروف اداکارہ، رائٹر، ڈائریکٹر اور ایجوکیشنسٹ نوید شہزاد اور سابق کرکٹ کمنٹیٹرشہزاد ہمایوں کے صاحبزادے تھے۔

انوشے اشرف نے فرہاد ہمایوں کےساتھ اپنی گہری یادیں شیئرکرتے ہوئے لکھا ” بہت جلدی چلے گئے، لاہوراب کبھی پہلے جیسا نہیں ہوگا”۔

فرہاد کے میوزیکل بینڈ ”اوورلوڈ” سے اپنے میوزیکل کیریئرکاآغازکرنے والی میشا شفیع نے ان کے ساتھ اپنے گانے ” میلا کریے ” کی ویڈیو شیئرکرتے ہوئے لکھا کہ ابھی میں صرف ساتھ گزارے جانے والے اچھے وقت کو یاد کررہی ہوں۔ تنازعات بھی رہے لیکن ہم اچھا میوزک بنانے میں کامیاب رہے۔

علی ظفر نے فرہاد ہمایوں کے ساتھ یادگار تصویر شیئرکرتے ہوئے کہا ” خُدا حافظ پرانے دوست، تم دوسروں کیلئے انسپائریشن ہو۔ موسیقی اور لوگوں کی زندگیوں کیلئے تمہاری خدمات کو چند سطروں میں بیان نہیں کیا جاسکتا۔ تم ایک میوزیشن اور پرفارمرسے بڑھ کر ہو۔ تم ایک فائٹرتھے”۔

شاعری کا شوق رکھنے والے علی ظفرنے اپنے قریبی دوست کیلئے نظم بھی لکھی۔

فیصل قریشی نے لکھا ” تم اپنی نوعیت کے واحد انسان تھے اور ہمیشہ رہو گے، بہت جلدی چلے گئے”۔

عائشہ عمرنے فرہاد ہمایوں کیلئے طویل انسٹا پوسٹ شیئرکرتے ہوئے یشنل کالج آف آرٹس ک میں فرہاد اوردیگرپرفارمرز کے ہمراہ سال 2002 میں لی جانےوالی یادگار تصویر شیئر کی۔

عائشہ کے مطابق فرہاد سے آخری ملاقات لندن میں ہوئی تھی جہاں ایک ساتھ میوزیکل شو دیکھا اور سڑکوں پر چہل قدمی کی تھی۔ فرہاد کو مائی ڈیئر فادی کہنے والی عائشہ نے لکھا ” ہاں یار زندگی تو یہی ہے، کوئی کسی کا راستہ بنے اور کچھ پتہ نہیں کب کوئی چلا جائے’ ۔

عدنان صدیقی نے اپنی ٹویٹ میں فرہاد کیلئے دعائے مغفرت کرتے ہوئے لکھا ” ایک باصلاحیت نوجوان قمست کے ہاتھوں جان کی بازی ہار گیا۔

اعجازاسلم نے بھی اس خبرکو افسوسناک قراردیتے ہوئے فرہاد کیلئے دعائیہ پیغام لکھا ۔

سلمان احمد نے فرہاد کواپنا پیارا دوست اور باصلاحیت کمپوزرکہتے ہوئے لکھا کہ ”آج کی رات بہت افسوسناک خبر، نوید اور شہزاد ہمایوں کا بیٹا ہم میں نہیں رہا ”۔

فیشن ڈیزائنرحسین شہریار یاسین (ایچ ایس وائی ) نے گہرے دکھ کا اظہار کرتے ہوئے لکھا کہ 30 سال پرانے دوست کو کراج عقیدت پیش کرنا بہت غیر حقیقی لگتا ہے۔

فرہاد ہمایوں نے نومبر 2018 نے فیس بک پوسٹ میں اپنے فالوورز کو بتایا تھا کہ آپریشن سے برین ٹیومر نکال دیا گیا ہے لیکن علاج جاری ہے، بعد ازاں انہوں نے صحت کے حوالے سے کوئی پوسٹ نہیں کی تاہم دیگرسرگرمیوں سے باخبررکھتے تھے۔

اکتوبر 2020 میں کاپی رائٹس ایکٹ کی خلاف ورزی پر فرہاد نے میشا شفیع کے گائے گانے پر سافٹ ڈرنک کمپنی کیخلاف مقدمہ دائرکیا تھا۔ فرہاد ہمایوں کا کہنا تھا کہ ” نیہڑے آ ” کو بڑی بے شرمی سے چوری کیا گیاہے۔ گانے کے منفرد بول سے لے کر گٹار، اس کے سُر، تال، میوزک نہ فلم کا ورژن ہے نہ ہی کوک اسٹوڈیو کا ورژن ہے اسے روکنا چاہیئے ۔

اوورلوڈ نے یہ گانا سال 2012 میں کوک اسٹوڈیو سیزن 5 کیلئے گایا تھا۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube