Monday, April 12, 2021  | 28 Shaaban, 1442

صبا قمراورعظیم خان کی شادی نہ ہونے کی وجہ کیا ہے؟

SAMAA | - Posted: Apr 7, 2021 | Last Updated: 5 days ago
Posted: Apr 7, 2021 | Last Updated: 5 days ago

بلاگر نے ہراساں کرنے کے الزامات پر خاموشی توڑ دی

گزشتہ دنوں صبا قمرسے شادی طے پانے اور پھر اداکارہ کی جانب سے تعلق ختم کرنے کی بنا پرخبروں کی زد میں رہنے والے بلاگرعظیم خان نے ایسی اطلاعات کی تردید کی ہے کہ صبا نے ان پرلگے جنسی ہراسانی کے الزامات کے باعث شادی سے انکارکیا۔

آسٹریلیا میں مقیم بلاگر کا کہنا ہے کہ " صبا ایک حیرت انگیز روح کی مالک ہے، اسے لوگوں کی باتوں کی پرواہ نہیں ہے۔ ہمارے درمیان جو بھی ہوا وہ سب میری غلطی ہے ، لیکن اس کا ہراساں کرنے کے دعووں سے کوئی لینا دینا نہیں ہے''۔

گزشتہ ہفتے صبا نے انسٹاپوسٹ میں بتایا تھا کہ وہ عظیم خان سے شادی نہیں کررہیں۔ اداکارہ کی عظیم سے کبھی ملاقات نہیں ہوئی تھی البتہ فون پر بات ہوتی تھی۔ پروپوزل قبول کرنے کے بعداجالا لینڈ کے نام سے انسٹاصارف اجالاعلی خان نے سوشل میڈیا پر تفصیلی خط صبا کو خبردارکیا تھا کہ انہیں اپنی پسند پردوبارہ غورکرلینا چاہیے کیونکہ عظیم خان ماضی میں مجھ سمیت متعدد لڑکیوں کو ہراساں کرچکے ہیں۔اجالا کے اس خط کے بعد عظیم کی جانب سے ایک ویڈیوسامنے آئی تھی تاہم صبا نے اس حوالےسے خاموشی اختیار کیے رکھی تھی۔

چند دن بعد صبا نے انسٹاپوسٹ میں لکھا تھا ” مجھے ایک بہت اہم اعلان کرنا ہے، بہت سی ذاتی وجوہات کی بناء پرعظیم خان سے تعلق نہ رکھنے کا فیصلہ کیا ہے ، ” اب ہم شادی نہیں کر رہے ہیں۔ یہ میرے لیے بہت مشکل وقت تھا لیکن یہ وقت بھی گزرجائے گا ''۔

تازی ترین ویڈیو میں عظیم نے وضاحت دی ہے کہ ان پر ہراساں کرنے کا جھوٹا الزام اس لیے عاءد کیا گیا کیوں کہ انہوں نے چند '' نجی گروپس '' کو بےنقاب کیا تھا۔

بلاگرکے مطابق انہوں نے ڈیڑھ سال پہلے ایسے گروپ بےنقاب کیے تھے جہاں خواتین مردوں کا پروفائل اور تصاویر ان کی اجازت کے بغیر شیئرکی جاتی تھیں۔

اس سے قبل صبا کے انکار کے بعد بھی عظیم خان نے اپنی انسٹا پوسٹ پرردعمل دیتے ہوئے لکھا تھا” صبا قمر نے میرا مؤقف بیان نہیں کیا اور ہاں یہ میری غلطی ہے” ۔

ایک اور پوسٹ میں انہوں نے صبا کو ٹیگ کرتے ہوئےکہا تھا ” آپ ایک حیرت انگیز روح کی مالک اورکائنات کی تمام خوشیوں کی مستحق ہیں، اللہ آپ کو کامیابیوں اورمحبتوں سے نوازے”۔

صبا کی جانب سے شادی منسوخ کرنے کے بعد بیشترسوشل میڈیا صارفین نے اس پروپوزل کا بتانے اور پھرانکارکو توجہ حاصل کرنے کیلئے ڈرامہ قراردیا جس پر سیلیبرٹیزنے ان کیلئے آواز اٹھاتے ہوئے صبا کو مضبوط رہنے پیغام دیا۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube