Monday, September 20, 2021  | 12 Safar, 1443

راکھی ساونت نےرقم لیکربگ باس کافائنل چھوڑدیا

SAMAA | - Posted: Feb 22, 2021 | Last Updated: 7 months ago
Posted: Feb 22, 2021 | Last Updated: 7 months ago

فائل فوٹو

بالی ووڈ اداکارہ راکھی ساونت نے بھارت میں سب سے زیادہ مقبول رئیلٹی شو ” بگ باس سیزن 14″ کے فائنل مقابلے میں رقم کے بدلے شوچھوڑ دیا۔

بالی ووڈ ہنگامہ کے مطابق ایک چیلنج کے طور پربگ باس میں آنے والی راکھی نے شو کے دوران سب کو محظوظ کرنے کے ساتھ ساتھ بھرپور توجہ حاصل کی، اس دوران ان کی شادی سے متعلق بھی سوالات اٹھائے گئے اور اداکارہ کو کئی بار جذباتی طور پرٹوٹتے دیکھا گیا۔

شو کے فارمیٹ کے مطابق فائنل مقابلے میں پہنچنے والے امیدواروں میں سے حتمی اعلان سے قبل اگرکوئی رقم قبول کرلے تو اسے فاتح کا لقب چھوڑنا پڑتا ہے۔

میزبان سلمان خان نے جب راکھی سے شو میں رہنے یا رقم سے بھرے بیگ میں سے کسی ایک کا انتخاب کرنے کو کہا تو راکھی نے پیسوں کا انتخاب کرتے ہوئے بگ باس چھوڑنے کر ترجیح دی۔

راکھی کے بیگ میں سے 14 لاکھ روپے کی رقم نکلی جس سے وہ اپنے یوٹیلٹی بل بھرنے کا ارادہ رکھتی ہیں۔

بگ باس سیزن 14 کی فاتح روبینہ دلیک ہیں جن کے مقابلے میں دیگر 2 فائنلسٹ نکی تنبولی اور گلوکار راہول وادیا تھے۔

بھارتی میڈیا کے مطابق شو چھوڑنے والی راکھی ساونت یقینی طورپر ٹائٹل جیتنے کیلئے سب سے زیادہ مضبوط امیدوار تھیں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube