ورون دھون اورنتاشادلال کی شادی، تصاویروائرل

SAMAA | - Posted: Jan 25, 2021 | Last Updated: 3 months ago
SAMAA |
Posted: Jan 25, 2021 | Last Updated: 3 months ago

تصویر: ورون دھون/انسٹاگرام

بالی ووڈ اداکارہ ورون دھون اور فیش ڈیزائنرنتاشا دلال ممبئی میں شادی کے بندھن میں بندھ گئے۔

اس جوڑے کی شادی ممبئی کے ساحلی علاقے علی باغ کے ایک پرتعیش ریزورٹ میں ہوئی، جہاں 22 جنوری سے شای کی تقریبات جاری تھیں۔

اداکارنے انسٹاگرام پر روایتی رسم ورواج کے مطابق پھیرے لگانے کے دوران کھینچی گئی تصویرشیئرکرتے ہوئے لکھا ” زندگی بھرکی محبت باضابطہ ہوگئی”۔

View this post on Instagram

A post shared by VarunDhawan (@varundvn)

دلچسپ بات یہ ہے کہ نتاشا اس شادی کیلئے آسانی سے آمادہ نہیں ہوئیں اوردوستی سے قبل وہ اداکارکو 3 بارمسترد کرچکی تھیں۔

انڈیا ٹوڈے کے مطابق ممبئی میں پیدا ہونے والی صنعتکار راجیشن دلال کی بیٹی نتاشا اور ورون دھون چھٹی جماعت میں ایک ساتھ پڑھتے تھے، بعد ازاں نتاشا امریکا منتقل ہوئیں، جہاں انہوں نے فیشن ڈیزائننگ کی تعلیم حاصل کی۔

نیویارک سے فیشن کی اعلیٰ تعلیم حاصل کرنے کے بعد 2013 میں بھارت واپسی پرنتاشا نے اپنا فیشن برانڈ متعارف کرایا۔

اداکارنے ایک پروگرام کے دوران اعتراف کیا تھا کہ محبت کے رشتے سے قبل نتاشا دلال 3 بار مجھے مسترد کر چکی تھیں۔ بالی وڈ میں 2011 میں اسٹوڈنٹ آف دی ایئر سے اداکاری کے بعد انہوں نے تعلقات بڑھانے پر آمادگی ظاہر کی۔

بھارتی ذرائع ابلاغ کے مطابق کرونا کے باعث شادی کی تقریب میں 40 سے 50 مہمان ہی شریک ہوئے جن میں اہل خانہ، قریبی دوست ، فلمسازکرن جوہر ، سلمان خان ، کترینہ کیف ، عالیہ بھٹ ، ارجن کپور اور منیش ملہوترا سمیت فلم انڈسٹری کی چند معروف شخصیات شامل ہیں۔

شادی کی تقریب سے قبل سنگیت کی تقریب کے علاوہ ورون دھون کے دوستوں نے ان کیلئے ایک بیچلرپارٹی کا اہتمام بھی کیاتھا جہاں جاتے ہوئے اداکار کی گاڑی کو حادثہ پیش آیا تاہم وہ خود اور گاڑی محفوظ رہے۔

ٹائمز آف انڈیا کے مطابق گو کہ شادی کا مہورت شام 4 بجے کا تھا تاہم رسومات کا آغازشام 6 بجے کے بعد کیا گیا، مہمانوں کی تواضع لبنانی ،میکسیکن اور روایتی بھارتی کھانوں سے کی گئی۔

پرائیویسی برقرار رکھنے کے لیے شادی کے مقام پربھی حفاظتی اقدامات کیے گئے تھے، مرکزی تقریب کی جگہ پر نصب سی سی ٹی وی کیمرا عارضی طور پر بند کیا گیا جبکہ موبائل فون کے استعمال پر بھی پابندی عائد تھی۔

ورون اور نتاشا 26 جنوری کو ممبئی کے فائیواسٹارہوٹل میں دوستوں کیلئے ایک پارٹی کا اہتمام بھی کررہے ہیں۔

اس سے قبل 2018 میں اطلاعات تھیں کہ اس جوڑے کی شادی جلد ہوگی۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube