Saturday, October 24, 2020  | 6 Rabiulawal, 1442
ہوم   > اینٹرٹینمنٹ

صباقمراوربلال سعید کی ضمانت قبل ازگرفتاری منظور

SAMAA | - Posted: Sep 3, 2020 | Last Updated: 2 months ago
SAMAA |
Posted: Sep 3, 2020 | Last Updated: 2 months ago

تصویر: انسٹاگرام

سیشن کورٹ نے گلوکاربلال سعید اوراداکارہ صبا قمرکیخلاف مسجد وزیرخان میں گانے کی عکسبندی پردرج مقدمے میں دونوں کی ضمانت قبل از گرفتاری کی درخواستیں منظور کرلیں۔

ایڈیشنل سیشن جج چوہدری قاسم علی نے 25 اگست کو محفوظ کیا جانے والا فیصلہ سنایا۔ عدالت نے ریمارکس دیے کہ دونوں ملزمان کی ضمانت قبل از گرفتاری کی درخواستیں منظور کی جاتی ہیں۔ ان کی بریت یا سزا کا فیصلہ ٹرائل میں ہوگا ۔

اس سے قبل 25 اگست کوعدالت نے صبا قمر اور گلوکار بلال سعید کی حاضری مسے استثنیٰ کی درخواست منظورکرتے ہوئے دونوں کو آج 3 ستمبر کو طلب کیا تھا۔ عدالت نے پولیس کو 3ستمبر تک دونوں کو گرفتارنہ کرنے کا حکم دیا تھا۔

دونوں کے خلاف 13 اگست کو تھانہ اکبری گيٹ ميں وکیل فرحت منظورکی مدعيت ميں مقدمہ درج کیا گیا تھا جس میں 295 کی دفعات شامل کی گئی ہیں۔ مدعی کی جانب سے صبا قمراور بلال پرمسجد کا تقدس پامال کرنے کا الزام عائد کرتے ہوئے موقف اختیارکیا گیا تھا کہ مسجد ميں گانا عکس بند کرکے مسلمانوں کے جذبات کو ٹھيس پہنچائی گئی۔

جس کے بعد صبا قمر اوربلال سعید نے 15 اگست کو عدالت میں پیش ہوکر 25 اگست تک عبوری ضمانت حاصل کی تھی جبکہ 25 اگست کو ان کےوکیل کی جانب سےسیشن کورٹ میں حاضری سے استثنیٰ کی درخواست دیتے ہوئے موقف اختیار کیا گیا کہ دونوں کو دھمکیاں مل رہی ہیں،عدالت میں پیش نہیں ہوسکتے، جان کو خطرہ ہے اس لیے حاضری سے استثنیٰ ديا جائے، عدالت نے دونوں کو 3 ستمبرکوطلب کرتے ہوئے فیصلہ محفوظ کیا تھا۔

اس معاملے کا آغاز بلال سعید کے نئے گانے ” قبول ہے “کا ٹیزرآوٹ ہونے کے بعد ہوا۔ سوشل میڈیا پربلال اورصبا کوشدید تنقید کا نشانہ بنایا گیا جس کی وجہ گانے کے آغازمیں لاہورکی مسجد وزیرخان میں شوٹ کیا جانے والا ایک منظرتھا جس کے دوران کیے جانے والے ایک ڈانس مووو نے سوشل میڈیا پر تنازع کو جنم دیا۔ بلال سعید نے میوزک ویڈیو سے وہ منظرنکالنے کے بعد12 اگست کو گانا ریلیز کیا تھا۔

ٹوئٹرپرجاری ویڈیو میں بلال نے وضاحت دی تھی کہ ہم نے مسجد وزیر خان میں صرف نکاح کا شوٹ کیاتھاجس سے لوگوں کے جذبات کو ٹھیس پہنچی اور ایساسمجھا گیا کہ ہم نے مسجد کے تقدس کو پامال کیا، لیکن ایسا کرنےکا سوچ بھی نہیں سکتا۔ مسجد میں میوزک چلایا ، نہ ہی ڈانس کیا۔ وہاں موجود مسجد کی انتظامیہ بھی اس کی گواہ ہے،فوٹو لینے کیلئے ہم نے صرف ایک چھوٹا سا ڈانس موو کیا تھا۔ ایک کلپ کی وجہ سے یہ غلط فہمی پیدا ہوئی لیکن میں مانتا ہوں کہ ہم سے غلطی ہوئی۔ میں ، صبا قمر اور ہم سب اللہ تعالیٰ سے معافی مانگتے ہیں کیونکہ قرآن میں بھی ہے کہ اللہ تعالیٰ توبہ کرنے والوں کو پسند کرتا ہے۔

گلوکار نےاس معاملے کو درگزر کرنے کی گزارش کرتے ہوئے کہا تھا کہ غلطی کااحساس ہے اس لیے ویڈیو میں سے وہ پورا سین نکال رہا ہوں، آئندہ کبھی ایسی غلطی نہیں دہرائیں گے۔

View this post on Instagram

Presenting the first teaser of ‘Qubool’🙏🏽 This is also the only sequence that was shot at the historical Wazir Khan Mosque. It’s a prologue to the music video featuring a Nikah scene. It was neither shot with any sort of playback music nor has it been edited to the music track. I won’t explain any further as the full video comes out on 11th of August. The BTS video that’s making rounds on social media was just a circular movement to click stills for the poster of ‘Qubool’ depicting a happily married couple right after their Nikah. Hurting or offending anyone or being disrespectful to a holy place is as unimaginable and unacceptable for me as for any decent human being. Despite this if we have unknowingly hurt anyone’s sentiments we apologise to you all with all our heart. Love & Peace! #Qubool releasing on 11th of August 🙏❤️ @bilalsaeed_music

A post shared by 𝐒𝐚𝐛𝐚 𝐐𝐚𝐦𝐚𝐫 (@sabaqamarzaman) on Aug 8, 2020 at 5:18am PDT

اس سے قبل صبا قمر نے بھی انسٹا پراس حوالے سے وضاحت جاری کرتے ہوئے کہا تھا کہ گانے کی شُوٹنگ کے دوران مسجد انتظامیہ وہاں موجود تھی اور وہ گواہ ہیں کہ کسی قسم کی کوئی موسیقی نہیں چلائی گئی۔ ویڈیو کے تعارفی حصے کی شوٹ وزیر خان مسجد میں کی تھی جس میں جس میں نکاح کا منظردکھایا گیا ہے۔ اسے نہ تو کسی پلے بیک میوزک کے ساتھ فلمایا گیا، نہ ہی یہ میوزک ٹریک کا حصہ ہے۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube