Sunday, September 27, 2020  | 8 Safar, 1442
ہوم   > اینٹرٹینمنٹ

بھارتی انٹرٹینمنٹ پلیٹ فارم پرپاکستانی ڈرامے دیکھیے

SAMAA | - Posted: Jul 17, 2020 | Last Updated: 2 months ago
SAMAA |
Posted: Jul 17, 2020 | Last Updated: 2 months ago

اگر آپ نیٹ فلکس اور ایمیزون پرائم دیکھ چکے ہیں تو اب بھارتی انٹرٹینمنٹ پلیٹ فارم 5 سے لطف اندوز ہونےکا وقت ہے، یہ تفریحی پلیٹ فارم زی انٹرٹینمنٹ انٹرپرائزز لمیٹڈ کا حصہ ہے جس نے اپنی زندگی برانڈ کو دوبارہ لانچ کیا ہے۔

آپ زی 5 پر ہٹ پاکستانی ڈرامہ سیریل دیکھ سکتے ہیں ، جن میں ماہرہ خان کا ڈرامہ” شہرذات”، عثمان خالد بٹ اور مایا علی کا “عون زارا”، بڑی آپا مستانہ ماہی، فہد مصطفیٰ کا “میں عبدالقادر ہوں” کے علاوہ فلم “کیک” کے ہدایتکار عاصم عباسی اور “رام چند پاکستانی” کی ڈائریکٹر مہرین جبار کے پراجیکٹس شامل ہیں ۔

اس سے قبل نیٹ فلکس کی طرز پرکام کرنے والی اس اسٹریمنگ ویب سائٹ پر 2 پاکستانی تھیٹر ڈراموں ” مُشک” اور ” جھانجھردی پاواں چھنکار” دکھائے جاچکے ہیں۔

گزشتہ روز انسٹاگرام پرمہرین جبار نے سیریل ” ایک جھوٹی لواسٹوری” کا ویڈیو کلپ شیئرکیا جو زی 5 پر دکھائی جائے گی۔

پوسٹ کے کیپشن میں مہرین جبار نے اس حوالے سے لکھا ” وہ اس اس حیرت انگیز لائن اپ کا حصہ بننے کیلئے بہت پرجوش ہیں ، یہ سیریل ان کے دل کے بہت قریب ہے “۔

ایک جھوٹی محبت کی کہانی معروف رائٹر عمیرہ احمد نے تحریر کی جبکہ اس کے نمایاں اداکاروں میں بلال عباس خان،مدیحہ امام، کنزیٰ رزاق اور بیو ظفرشامل ہیں۔

ایک اور سیریز عاصم عباسی کی “چڑیل” ہے جس کے کاسٹ میں ثروت گیلانی، مہر بانو، نمرہ بچہ اور یاسرہ رضوی شامل ہیں۔

گلیکسی لالی ووڈ کے مومن علی منشی کے مطابق ہندی میڈیم اسٹار صبا قمر اور نعمان اعجاز”ن جوگی میں” میں ایک ساتھ اسکرین شیئر کریں گی جبکہ شوبز کی معروف جوڑی احد رضا میر اور سجل علی ” دھوپ کی دیوار” میں ایک ساتھ نظرآئیں گے۔

ایک پریس ریلیز کے مطابق ، زی 5 گلوبل کے سی ای او امیت گوینکا نے کا کہنا ہے کہ زی کی مضبوطی ہمیشہ ہی منفرد کہانیوں کو بیان کرنے ، دنیا بھر کے اربوں ناظرین سے جڑے رہنے سےاور مختلف قسم کے مواد کی پیش کش کرنے میں ہے۔ زندگی کو ہمیشہ ہی دنیا بھر سے اپنے پریمیئم کانٹینٹ اورثقافتی طور پر بھرپور ثقافتی کہانیوں کے لئے سراہا گیا ہے۔

ان کا مزید کہنا تھا کہ زی کا دنیا بھر سے کانٹینٹ بھرپور توجہ سمیٹے گا اور ہم زی 5 کے ناظرین کیلئے بھارت سمیت پوری دنیا کے ناظرین کیلئے یہ پیش کرنے کیلئے پرجوش ہیں۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube