Thursday, August 13, 2020  | 22 Zilhaj, 1441
ہوم   > اینٹرٹینمنٹ

ہالی ووڈ میں 12 جون سےفلمی سرگرمیاں دوبارہ بحال ہونےکاامکان

SAMAA | - Posted: Jun 6, 2020 | Last Updated: 2 months ago
SAMAA |
Posted: Jun 6, 2020 | Last Updated: 2 months ago

کرونا وائرس سے دنیا بھر کی فلم انڈسٹری میں سرگرمیاں رُک گئی تھیں تاہم اب کیلی فورنیا میں ہالی ووڈ فلموں اور ٹی وی شوز کی پروڈکشن دوبارہ شروع ہونے کے امکانات روشن ہونے لگے ہیں۔

کیلی فورنیا کے گورنر گیون نیوسم کا کہنا ہے کہ 12 جون سے پہلے مرحلے میں ان کاؤنٹیز کو دوبارہ پروڈکشن کی اجازت مل جائے گی جہاں کرونا وائرس سے پیدا ہونے والی صورت حال میں بہتری آ چکی ہے۔

کیلیفورنیا کے پبلک ہیلتھ آفس نے بتایا کہ مقامی صحت کے افسران کی منظوری سے فلموں اور ٹی وی شوز کی پروڈکشن دوبارہ کھولنے کی اجازت دی جائے گی۔

انہوں نے کہا کہ کرونا کے خطرے کو کم کرنے کے لئے پروڈکشن ، کاسٹ اور عملہ کو لیبر اینڈ مینجمنٹ کے ذریعے طے شدہ حفاظتی پروٹوکول کی پابندی کرنی ہوگی جس میں کاؤنٹی پبلک ہیلتھ افسران کی جانب سے مزید اضافہ کیا جاسکتا ہے۔

تاہم یہ واضح نہیں کیا گیا کہ ہالی ووڈ کے بڑے اسٹوڈیوز اگلے ہفتے سے دوبارہ کام شروع کرسکیں گے یا نہیں کیونکہ کیلیفورنیا میں لاس اینجلس کاؤنٹی کرونا وائرس اہم مرکز ہے۔

اب تک کیلیفورنیا میں 125،000 سے زیادہ کرونا کیسز اور 4،500 اموات کی تصدیق ہوچکی ہے۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube