ہوم   > اینٹرٹینمنٹ

ماہرہ خان اور فہد مصطفیٰ پہلی بارایک ساتھ کاسٹ

SAMAA | - Posted: Oct 23, 2019 | Last Updated: 6 months ago
SAMAA |
Posted: Oct 23, 2019 | Last Updated: 6 months ago

تصویر: ٹوئٹر

معروف ڈائریکٹرنبیل قریشی نے اپنی نئی فلم کیلئے مرکزی کرداروں میں پہلی بارفہد مصطفیٰ اور ماہرہ خان کو ایک ساتھ کاسٹ کیا ہے۔

نبیل قریشی کی آنے والی فلم کا نام ’’قائداعظم زندہ باد ‘‘ ہے جس میں فہد اورماہرہ پہلی بار بطور ہیرو ہیروئن ایک دوسرے کے مقابل ہوں گے۔

اس سے قبل ماہرہ نے فہد کی فلم ’’ایکٹران لاء‘‘ میں خصوصی شرکت کی تھی جسے نبیل قریشی نے ہی ڈائریکٹ کیا تھا۔

فلم میں کام کرنے کی تصدیق ماہرہ نے ڈائریکٹر نبیل قریشی کی ٹویٹ کو ری ٹویٹ کرتے ہوئے کی۔ جس میں انہوں نے فلم کے حوالے سے خبر منظرعام پرآنے سے متعلق ٹویٹ میں فہد اور ماہرہ کو ٹیگ کرتے ہوئے لکھا کہ ’’ بولو ہاں کہ ناں‘‘؟

جواب میں ماہرہ خان نے ’’جی ہاں ‘‘ کہتے ہوئے لکھا کہ ویسے فہد نے کبھی ویڈیو میں میرے سوال کا جواب نہیں دیا۔

اب ماہرہ کس ویڈیو کی بات کر رہی ہیں یہ تو وہی جانیں لیکن اس حوالے سے فضاعلی میرزا کو بھی تجسس ہوا تو انہوں نے پوچھ ڈالا کون سی ویڈیو؟۔

یاد رہے کہ ڈائریکٹر نبیل قریشی اور فضا علی میرزا نامعلوم افراد ، نامعلوم افراد2، ایکٹران لاء اور لوڈ ویڈنگ جیسی ہٹ فلمیں پروڈیوس کرچکے ہیں۔

اس سے قبل ایک انٹرویو میں ڈائریکٹر نبیل قریشی نے بتایا تھا کہ اس ایکشن کامیڈی فلم میں فہد مصطفیٰ ایک پولیس افسر کا کردار نبھائیں گے۔

فلم کی شوٹنگ کا آغاز جلد ہوگا جبکہ اسے آئندہ سال عید الاضحیٰ کے موقع پر ریلیز کیے جانے کی اطلاعات ہیں۔

 

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
 
مقبول خبریں
مقبول خبریں
 
 
 
 
 
Facebook Twitter Youtube