ذہین طاہرہ کی طبیعت بدستور تشویش ناک، سی سی یو میں منتقل

June 27, 2019

پاکستان کی نامور اداکارہ ذہین طاہرہ کی طبیعت میں تاحال تشویش ناک ہے ،انھیں آئی سی یو سے سی سی یو وارڈ میں منتقل کردیا گیا ہے۔

کراچی میں زیرعلاج نامور اداکارہ ذہین طاہرہ کو دل کے عارضے کے باعث آغا خان اسپتال میں داخل کیا گیا تھا۔ تین روز تک ذہین طاہرہ کو آئی سی یو میں رکھا گیا تاہم اب انھیں سی سی یو وارڈ منتقل کردیا گیا ہے۔

ذہین طاہرہ کے بیٹے نے بتایا ہے کہ بدھ کی رات والدہ کی طبیعت بگڑ گئی تھی تاہم ان کے انتقال کی خبروں میں کوئی صداقت نہیں۔

ترجمان اسپتال کے مطابق ذہین طاہرہ کی طبیعت میں زیادہ عمر کے باعث ریکوری میں وقت لگ رہا ہے۔