کرینہ کپور اداکاری کے بعد ریڈیو شو کرنے کیلئے تیار

Samaa Web Desk
September 13, 2018

بالی ووڈ کی نامور اداکارہ کرینہ کپور خان پہلی مرتبہ ریڈیو کے شعبے میں قدم رکھنے جارہی ہیں جہاں وہ ایک پروگرام کی میزبانی کریں گی۔

بھارتی میڈیا رپورٹ کے مطابق کرینہ کپور بھارتی ہدایت کار اور اپنے ہر دلعزیز دوست کرن جوہر کے نقش قدم پر چلتے ہوئے ریڈیو پر پروگرام کی میزبانی کرنے جارہی ہیں۔

رپورٹ کے مطابق کرینہ نے ریڈیو پروگرام کا میزبان بننے سے قبل کرن جوہر سے مشورہ کیا تھا جس پر انہوں نے اداکارہ کی حوصلہ افزائی کی۔

کرینہ کپور کا ڈیبیو ریڈیو پروگرام بھارتی ریڈیو چینل عشق 104.8 ایف ایم پر سنا جا سکے گا، جس میں کالرز اداکارہ سے مخاطب بھی ہوسکتے ہیں۔یہ پروگرام رواں برس دسمبر سے ریڈیو پر نشر کیا جائے گا جس کے لیے کرینہ کپور خان بے حد پر جوش ہیں۔

اس حوالے سے کرینہ کا کہنا تھا کہ ریڈیو پر اس سے زیادہ اچھی شروعات نہیں ہوسکتی تھی، میں اپنا پہلا ریڈیو شو کر رہی ہوں جس کے لیے مجھ سے انتظار نہیں ہو رہا۔