نامورفنکارقاضی واجد انتقال کرگئے

Samaa Web Desk
February 11, 2018

کراچی: پاکستان ڈرامہ انڈسٹری کے نامور فنکار قاضی واجد انتقال کرگئے۔

پاکستان میں ٹیلیویژن کے آغاز سے اپنی صلاحیتوں کے جوہر دکھانے والے سینیئر فنکار قاضی واجد چل بسے ۔ ان کی عمر 87 برس تھی۔

قاضی واجد کوعلالت کے باعث آج صبح نجی اسپتال منتقل کیا گیا تھا۔

سما سے گفتگو میں قاضی واجد کے بھائی نےبتایا کہ انہیں بخار تھا مگر صحتیابی کے بعد دو دن قبل انہوں نے ڈرامے کی ریکارڈنگ میں بھی حصہ لیا تھا۔ آج صبح ان کی طبیعت بگڑنے پر ملازمہ نے اطلاع دی جس پر انہیں فوری طور پر اسپتال لے جایا گیا جہاں وہ جانبر نہ ہو سکے۔

قاضی واجد نے پی ٹی وی کے مشہور ترین ڈراموں تنہائیاں، دھوپ کنارے، آنگن ٹیڑھا سمیت متعدد ڈراموں میں اداکاری کے جوہر دکھائے۔ ،