Sunday, January 16, 2022  | 12 Jamadilakhir, 1443

فارن ایکسچینج کوبڑھانےکےلیےفری ہینڈ دیا جائے،ملک بوستان

SAMAA | - Posted: Jan 14, 2022 | Last Updated: 2 days ago
SAMAA |
Posted: Jan 14, 2022 | Last Updated: 2 days ago

فاریکس ایسوسی ایشن آف پاکستان کے چیئرمین ملک بوستان نے کہا ہے کہ فارن ایکسچینج کو بڑھانے کےلیے فری ہینڈ دیا جائے۔

سماء سے خصوصی بات کرتے ہوئے ملک بوستان نے کہا کہ ماضی میں ڈالر کی خریداری روکنے کے لیے اقدامات منفی ثابت ہوئے جس سے ہم کو سبق سیکھنا چاہئے۔

ملک بوستان کا کہنا تھا کہ ڈالر کی خریداری کی وجہ سے بلیک مارکیٹ وجود میں آئی جس کا فری مارکیٹ سے ریٹ 5 روپے زیادہ ہوتا ہے۔

ان کا کہنا تھا کہ ہنڈی اور حوالہ کا فری مارکیٹ سے ریٹ 10 روپے زیادہ ہوتا ہے، اس صورتحال کے باعث پچھلے 3 ماہ سے 20 کروڑ ڈالر آمدنی کم ہوئی ہے اور 3 ارب ڈالر سے کم ہوکر 2 ارب 40 کروڑ ڈالر تک آگئی ہے۔

ملک بوستان نے مزید کہا کہ انٹربینک میں ایکسچینج کمپنیاں ہر ماہ 400 ملین ڈالر کا کاروبار کررہی تھیں اور اب وہ 200 ملین ڈالر کا کاروبار کررہی ہیں۔

انھوں نے یہ بھی بتایا کہ فارن ایکسچینج کمپنیوں کی نقصان کی بڑی وجہ افغانستان ہے، افغانستان کی ہر ماہ امپورٹ 500 ملین ڈالر ہے جو پاکستان، ایران اور چین سے امپورٹ کی جاتی ہے، افغانستان کے ڈالر کیوں کہ منجمد ہیں اس لئے وہ پاکستان کے ڈالر بلیک مارکیٹ سے حاصل کرلیتے ہیں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube