Saturday, January 22, 2022  | 18 Jamadilakhir, 1443

ایس ای سی پی کی کپیٹل مارکیٹ میں آن لائن اکاؤنٹ کھولنےکی منظوری

SAMAA | - Posted: Dec 4, 2020 | Last Updated: 1 year ago
SAMAA |
Posted: Dec 4, 2020 | Last Updated: 1 year ago

سکیورٹیزاینڈ ایکسچینج کمیشن آف پاکستان (ایس ای سی پی) نےملک میں موجود اورنان ریذڈنٹ پاکستانیوں کوپاکستان میں کپیٹل مارکیٹ میں سرمایہ کاری کے لئے  آن لائن اکاؤنٹ کھولنے   کی منظوری دے دی ہے۔

ملک کی کپیٹل مارکیٹ میں وسعت اور سرمایہ کاروں کی تعداد میں اضافے کے لئے اس کو اہم قرار دیا جارہا ہے۔کپیٹل مارکیٹ میں  دلچسپی رکھنے والےسرمایہ کار ملک کے کسی بھی حصے میں ہوں  یا بیرون ملک مقیم ہوں،کسی بروکر یا ایجنٹ کے دفتر میں جائے بغیر ہی اپنا سرمایہ کاری اکاؤئنٹ کھول سکیں گے۔

مارکیٹ میں سرمایہ کاری کا آن لائن اکاؤنٹ کھولنےکا نیا نظام اورفریم ورک  ایس ای سی پی  کی جانب سے مارکیٹ میں جدید ٹیکنالوجی   کے استعمال کے لئے کی جانے والی اصلاحات  کا تسلسل ہے۔نئےفریم ورک میں سرمایہ کارتمام ضروری معلومات اوردستاویزات آن لائن جمع کرواسکیں گے جبکہ سرمایہ کارکااکاؤنٹ بھی تیز رفتاری کے ساتھ کھل سکے گا۔

مزید پڑھئیے:ایس ای سی پی کےاین بی ایف سی رولز میں ترامیم

سرمایہ کاروں کےتحفظ کو یقینی بنانےاورقوانین کی ضروریات کو پورا کرنے کے لئےآن لائن اکاؤنٹ کھولنے والےسرمایہ کار( صارف) کی تصدیق کاعمل  بھی آن لائن ہی مکمل کیا جائے گا۔آن لائن سرمایہ کارکی تصدیق وتوثیق سینٹرلائزڈ کے وائی سی کاادارہ آزادانہ طور پرکرے گا۔

اس کےعلاوہ کپیٹل مارکیٹ میں سرمایہ کاری کااکاؤنٹ کھولنے کے لئے درخواست فارم کےصفحات کی تعداد کو بھی کم کردیا گیا ہےتاکہ سرمایہ کاری کا کھاتہ کھولنے کاعمل  سہل ہو۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube