اسٹیٹ بینک نے آسان ریمی ٹینس اکاؤنٹ کا آغاز کردیا

December 6, 2017

اسلام آباد: بیرون ملک سے رقوم کی آسان وصولی یقینی بنانے کیلئے اسٹیٹ بینک نے آسان ریمی ٹینس اکاؤنٹ کا آغاز کردیا، اکاونٹ میں بیس لاکھ روپے تک رکھے جا سکیں گے اور یومیہ زیادہ سے زیادہ پچاس ہزار نکلوائے کی اجازت ہوگی۔

معاشرے میں بینکنگ کی سہولت سے محروم یا نیم محروم طبقات کی ضروریات پوری کرنے کیلئے پاکستان ریمی ٹینس انیشیٹیو کے تحت آسان ریمی ٹینس اکاونٹ کا آغاز کردیا گیا۔

اسٹیٹ بینک کے مطابق بینک یہ اکاونٹ سادہ طریقہ کار کی مدد سے کھول سکیں گے۔ بیرون ملک سے بھجوائی گئی رقم اکاونٹ کے زریعے وصول کی جا سکیں گی۔

ترسیلات زر کی وصولی کیلئے کاونٹر پر نہیں جانا پڑے گا، ترسیلات زر کے وصول کنندگان اور اہل خانہ یہ اکاونٹ کھلوا سکتے ہیں۔

ان اکاونٹس میں زیادہ سے زیادہ بیس لاکھ روپے رکھے جا سکتے ہیں۔ یومیہ زیادہ سے زیادہ پچاس ہزار روپے نکلوائے جا سکتے ہیں اور فنڈ ٹرانسفر کی یومیہ حد بھی پچاس ہزار روپے ہے۔ سماء

Email This Post
 
 

آپ کے تبصرے

Your email address will not be published.