Monday, May 16, 2022  | 1443  شوّال  14

سعودی عرب: مچھلی کے کاروبار کے سب سے بڑے جزیرے کا افتتاح

SAMAA | - Posted: Jan 24, 2022 | Last Updated: 4 months ago
SAMAA |
Posted: Jan 24, 2022 | Last Updated: 4 months ago

سعودی عرب  کے مشرقی صوبے قطیف کے گورنر شہزادہ سعود بن نایف آل سعود نے خلیج عرب کے علاقے میں مچھلیوں کے سب سے بڑے جزیرے فش آئی لینڈ کا افتتاح کیا ہے۔

عرب میڈیا کے مطابق مشرقی صوبے کے گورنر انجینیر فہد الجبیر کا اس موقع پر کہنا تھا کہ اس منصوبے کو سرمایہ کاری کے لیے تیار مقامات کے قیام کو مدنظر رکھ تیار کیا گیا ہے۔ انہوں نے کہا کہ یہ جزیرہ مچھلیوں کے تاجروں اور سیاحوں کے لیے ایک منزل ہو گا۔

حکام کے مطابق منصوبے کا مقصد خطے میں تجارتی نقل و حرکت میں اضافہ اور علاقے کے لوگوں کے لیے روزگار کے مواقع فراہم کرنا ہے۔ جزیرے کے قیام کی لاگت 80 ملین ریال جبکہ رقبہ 120,000 مربع میٹر ہے، مذکورہ جزیرہ بندرگاہ اور خلیج عرب کے پانیوں سے گھرا ہوا ہے۔

مارکیٹ کی نمایاں سہولیات مرکزی عمارات ہیں جو 6 ہزار مربع میٹر کے رقبے پر محیط ہے جس میں ہر قسم کی دکانیں موجود ہیں۔ ایک سائیڈ یارڈ، سرمایہ کاری کی جگہیں، ایک آئس فیکٹری،اسٹوریج اور کولنگ ایریاز شامل ہیں۔

قطیف گورنری میں مرکزی فش مارکیٹ کو مچھلی کے جزیرے پر منتقل کر دیا گیا جو کہ خلیجی خطے کی اہم ترین منڈیوں میں سے ایک سمجھا جاتا تھا۔

WhatsApp FaceBook
تازہ ترین
 
 
Facebook Twitter Youtube