Wednesday, May 18, 2022  | 1443  شوّال  16

لاہور پریس کلب کے باہر فائرنگ، صحافی جاں بحق

SAMAA | - Posted: Jan 24, 2022 | Last Updated: 4 months ago
SAMAA |
Posted: Jan 24, 2022 | Last Updated: 4 months ago

لاہور پریس کلب کے باہر نامعلوم افراد نے کار پر فائرنگ کردی، واقعے میں صحافی جاں بحق ہوگیا۔

لاہور میں پریس کلب کے باہر نامعلوم موٹر سائیکل سواروں نے کار پر فائرنگ کرکے صحافی و کرائم رپورٹر حسنین شاہ کو قتل کردیا۔

رپورٹ کے مطابق مقتول صحافی اپنے دفتر سے نکل کر پریس کلب کے قریب پہنچا تھا کہ موٹر سائیکل پر سوار ملزمان نے ان پر فائرنگ کردی، مقتول کو سینے اور پیٹ میں کئی گولیاں لگی، جس سے وہ موقع پر ہی جاں بحق ہوگیا۔

عینی شاہدین کے مطابق ملزمان نے منہ پر چادر لپیٹی ہوئی تھی، جن کی عمریں 30 سے 35 سال تھیں۔

ذرائع کے مطابق حسنین شاہ کیپیٹل ٹی وی میں کرائم رپورٹر تھے۔ پولیس نے جائے وقوعہ سے گولیوں کے 10 خول تحویل میں لے کر تحقیقات شروع کردی۔

پولیس کا کہنا ہے ابتدائی تحقیقات کے مطابق واقعہ ذاتی دشمنی کا نتیجہ لگ رہا ہے۔

آئی جی پنجاب نے لاہور پریس کلب کے باہر فائرنگ کے واقعے کا نوٹس لیتے ہوئے صحافی کے قتل پر سی سی پی او سے رپورٹ طلب کرلی۔

WhatsApp FaceBook
تازہ ترین
 
 
Facebook Twitter Youtube