Wednesday, May 18, 2022  | 1443  شوّال  16

بھارت نےجرائم پیشہ افرادکو دہشت گردی کےلئے استعمال کیا،شیخ رشید

SAMAA | - Posted: Jan 24, 2022 | Last Updated: 4 months ago
SAMAA |
Posted: Jan 24, 2022 | Last Updated: 4 months ago

وزیرداخلہ شیخ رشید کا کہنا ہے کہ بھارت کو جب یہ اندازہ ہوگیا کہ اب افغانستان سے کچھ ممکن نہیں ہو پارہا تو انہوں نے ملک میں موجود جرائم پیشہ افراد کو بھاری رقوم کے عوض ملک میں دہشت گردی کےلیے تیار کیا۔

سینیٹ اجلاس میں اظہار خیال کرتے ہوئے وزیرداخلہ کا کہنا تھا کہ پاکستان کی سالميت سے ٹکرانے والوں سے ٹکرائيں گے، جوہرٹاؤن دھماکے کے تينوں ملزمان کو سزائے موت سنائی گئی ہے۔

شیخ رشید احمد کا کہنا تھا کہ قومی سلامتی کے معاملات پر مشترکا بیانیہ بنانے کی ضرورت ہے، مقبوضہ کشمیر اور بھارت میں مسلمانوں کے ساتھ مظالم ان کی پاکستان سے محبت کی سزا ہے۔

انہوں نے کہا کہ عمران خان چین کے ساتھ دوستی کو آخری دم تک نبھائیں گے، گوادر اور داسو حملے میں ملوث دہشت گردوں کو گرفتار کرچکے ہیں۔

شیخ رشید کا کہنا تھا کہ ہمارےملک ميں فرقہ وارانہ دہشتگردی بھی ہے، ہم ايران سے بھی بہتر تعلقات چاہتے ہيں۔ انہوں نے کہا کہ پاکستان طالبان کی بات اس ليے کررہا ہے کہ وہاں مسلمان ہيں۔

وزیرداخلہ کا کہنا تھا کہ بلوچستان ميں داعش،ٹی ٹی پی اور بی آر اے و دیگر  تنظیمیں موجود ہيں جبکہ 11 جنوری کو بی این اے کے بننے کے بھی اطلاعات ہیں۔

شیخ رشید احمد کا کہنا تھا کہ افغانستان کے ساتھ سرحد پر 20 جبکہ ایران کے ساتھ 200 کلومیٹر باڑ کا کام ابھی رہتا ہے۔ انہوں نے کہا کہ افغانستان کی طرف  سے باڑ ہٹانے کی جو ویڈیو آئی تھی وہ مین لائن نہیں بلکہ سائڈ لائن تھا۔ وزیرداخلہ کا کہنا تھا کہ بھارت کو افغانستان میں بڑی شکست ہوئی ہے اسلئے وہ نہیں چاہتا کہ ہمسایہ ممالک کے ساتھ ہماری تعلقات بہتر ہوں۔

انہوں نے کہا کہ اپوزیشن 23 مارچ کو نہيں 27مارچ کو آجائے لیکن اگر اپوزیشن بضد ہے تو 23 مارچ کو ہی اسلام آباد آنے کا شوق پورا کرلے۔ شیخ رشید احمد کا کہنا تھا کہ عمران خان نے کہا باہر نکلوں گا تو اور خطرناک ہوجاؤں گا، يہ باتيں اپوزيشن بھی کرتی رہی ہے۔

WhatsApp FaceBook
تازہ ترین
 
 
Facebook Twitter Youtube