Tuesday, May 17, 2022  | 1443  شوّال  15

فنکاروں کے معاوضے سے متعلق قرارداد سینیٹ میں منظور

SAMAA | - Posted: Jan 18, 2022 | Last Updated: 4 months ago
Posted: Jan 18, 2022 | Last Updated: 4 months ago

سینیٹ میں فنکاروں کے معاوضے سے متعلق قرارداد منظور کرلی گئی جس پر شوبز شخصیات کی جانب سے قرارداد پیش کرنے والے سینیٹر فیصل جاوید خان کو خراجِ تحسین پیش کیا۔

سینیٹر فیصل جاوید خان نے ٹوئٹ کرتے ہوئے کہا کہ سینیٹ کے تمام اراکین کا شکر گزار ہوں جنہوں نے فنکاروں کے معاوضے (رائلٹی) کے متعلق قرارداد کو متفقہ طور پر منظور کروانے کیلئے اپنا اپنا کردار ادا کیا۔

سینیٹر نے قراداد کو پیش کرنے اور اس کے پاس ہونے کی ویڈیو بھی سوشل میڈیا پر شیئر کرتے ہوئے فنکار برادری کو مبارک باد پیش کی تھی۔

جس کے بعد شوبز شخصیات نے پی ٹی آئی سینیٹر کی کاوشوں پر ان کا شکریہ ادا کیا۔

انہوں نے ایک سال قبل ہی فنکاروں کو ان کے کام اور خدمات کی عوض ’رائلٹی‘کی مد میں ہر بار دوبارہ معاوضہ دینے سے متعلق قانون سازی کروانے کا اعلان کیا تھا۔

واضح رہے کہ کسی بھی گیت، فلم یا ٹی وی ڈرامے سمیت کسی بھی پروگرام کا دوبارہ نشر کیے جانے پر فنکاروں کو معاوضہ ادا کرنا رائلٹی کہلاتا ہے۔

WhatsApp FaceBook
تازہ ترین
 
 
 
 
 
 
 
 
Facebook Twitter Youtube