Thursday, May 19, 2022  | 1443  شوّال  17

بلاول کی پاکستان ڈیموکریٹک موومنٹ کوساتھ چلنے کیلئے مشروط پیشکش

SAMAA | - Posted: Jan 18, 2022 | Last Updated: 4 months ago
SAMAA |
Posted: Jan 18, 2022 | Last Updated: 4 months ago

چیئرمین پیپلزپارٹی بلاول بھٹو زرداری نے پاکستان ڈیموکریٹک موومنٹ کو بڑی پیش کش کردی۔ کہتے ہیں استعفوں کے اپنے مؤقف سے ہٹ کر تحریک عدم اعتماد کی میری حکمت عملی کو اختیار کریں تو ساتھ ساتھ چل سکتے ہیں، مقصد دونوں کا ایک ہے حکومت کو نکالنا اور جلد انتخابات کا بندوبست کرنا، ہمارا لانگ مارچ اسی لئے ہے۔

چیئرمین پی پی پی بلاول بھٹو زرداری نے پیپلزپارٹی اور پی ڈی ایم کے الگ الگ لانگ مارچ کو سودمند قرار دیدیا۔، اپوزیشن اتحاد کے ساتھ  چلنے کا امکان بھی ظاہر کردیا، تحریک عدم اعتماد کی بات کی، نئے انتخابات کا نعرہ بھی لگا دیا۔

پارلیمنٹ ہاؤس میں میڈیا سے گفتگو میں بلاول بھٹو زرداری نے کہا تاریخی مہنگائی اور تاریخی غربت کا اثر عوام پر ہورہا ہے، اسٹیٹ بینک صرف آئی ایم ایف کو جوابدہ ہوگا، حکومت نے رات کے اندھیرے میں عوام کا معاشی قتل کیا، ایٹمی پروگرام کو داؤ پر لگا دیا۔

ان کا کہنا ہے کہ یہ تو اچھا ہے بار بار لانگ مارچ سے حکومت پر دباؤ بڑھے گا، حکومت کو جلد از جلد نکالنا ہے، پی ڈی ایم اپنا استعفوں کا مطالبہ چھوڑ کر تحریک عدم اعتماد کی ہماری حکمت عملی مان لے۔

کراچی میں قتل کے مجرم کی اسپتال میں موج مستی کے سوال پر بلاول بھٹو زرداری کا کہنا تھا لاہور کی جیل ہو یا سندھ کی دو قانون لگتے ہیں، شاہ رخ جتوئی والا واقعہ نہیں ہونا چاہئے تھا، وزیراعلیٰ اور وزیر صحت نے معاملے کی انکوائری کا حکم دیدیا ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube