Wednesday, May 18, 2022  | 1443  شوّال  16

برطانیہ کا کووڈ19 سیلف آئسولیشن قانون کو ختم کرنے کا منصوبہ

SAMAA | - Posted: Jan 17, 2022 | Last Updated: 4 months ago
SAMAA |
Posted: Jan 17, 2022 | Last Updated: 4 months ago
[caption id="attachment_2500097" align="alignnone" width="800"] فوٹو: اے ایف پی[/caption]

برطانیہ ایک ایسا منصوبہ تیار کر رہا ہے جس کے تحت شہری کرونا وائرس سے متاثر ہونے کے باوجود قانونی طور پر سیلف آئسولیشن کرنے کے پابند نہیں ہوں گے۔

دی ٹیلی گراف کی رپورٹ کے مطابق برطانوی وزیر اعظم بورس جانسن ہنگامی طور پر کرونا وائرس کے قوانین کو مستقل طور پر منسوخ کرنا چاہتے ہیں کیونکہ برطانیہ میں کیسز میں کمی آتی جا رہی ہے۔

رپورٹ میں کہا گیا ہے کہ سرکاری رہنمائی برقرار رہے گی تاہم قوانین نظر انداز کرنے کی صورت کوئی جرمانہ یا قانونی سزا نہیں ہوگی۔

رپورٹ کے مطابق آنے والے ہفتوں میں ان منصوبوں پر کام کیا جائے گا، جس کا اعلان موسم بہار کے شروع میں متوقع ہے۔

گزشتہ ہفتے، سیکریٹری ہیلتھ ساجد جاوید نے کہا تھا کہ اگر کسی شخص کا کرونا ٹیسٹ دوسری مرتبہ منفی آتا ہے تو انگلینڈ میں کووڈ19 سیلف آئسولیشن کے دن سات سے کم کرکے پانچ کر دیے جائیں گے۔

ٹیلی گراف کی ایک سابقہ ​​رپورٹ کے مطابق، بورس جانسن پلان بی کووڈ19 پابندیوں کو ختم کرنے کے لیے بھی تیار ہیں، جو پچھلے مہینے اومی کرون ویرینٹ کے پھیلاؤ کو کم کرنے کے لیے متعارف کرایا گیا تھا۔

WhatsApp FaceBook
تازہ ترین
 
 
 
 
 
 
 
 
Facebook Twitter Youtube