تائیوان میں کھیلوں کی سرگرمیاں بحال ہوگئیں
SAMAA |
Web desk
Posted: May 10, 2020 | Last Updated: 2 years ago
تائیوان حکومت نے کئی ہفتوں کے لاک ڈاؤن اور حفاظتی تدابیر کے بعد صورت حال میں بہتری آںے پر کھیلوں کی سرگرمیاں محدود پیمانے پر بحال کردیا۔
خبر رساں ایجنسی کے مطابق لاک ڈاؤن کے بعد صورت حال بہتر ہونے پر تائیوان میں بیس بال میچ کا انعقاد کیا گیا۔ اس موقع پر میچز دیکھنے کے لیے تماشائیوں کو اسٹیڈیم آنے کی اجازت بھی دی گئی۔ تاہم اس دوران تمام، احتیاطی تدابیر بھی اپنائی گئیں۔
میچ دیکھنے کیلئے تماشائی سینیٹائزر اور ماسک کے ساتھ اسٹیڈیم میں پہنچے اور خوش نظر آئے۔ میچ کے دوران لوگوں نے ہلہ گلہ بھی کیا، چیئر لیڈرز کی پرفارمنس سے ایونٹ کو چار چاند لگ گئے۔ رپورٹ کے مطابق اسٹیڈیم میں 1000 تماشائیوں نے میچ دیکھا۔
اس موقع پر مقامی ٹیم فوبن گارجین نے مخالف ٹیم یونی پریزیڈنٹ لائنز کو سات چھ سے ہرا دیا۔ واضح رہے کہ اس سے قبل بیس بال ٹورنامنٹ کے آغاز میں ڈمی شائقین سے کام چلانے اور میچ لائیو دکھانے کا فیصلہ کیا گیا تھا۔
تازہ ترین
