اراکین اسمبلی کامفت ٹکٹس پراصرار،احسان مانی کی معذرت
SAMAA |
Abbas Shabbir
Posted: Mar 6, 2020 | Last Updated: 2 years ago
ارکان پارلیمنٹ کو پاکستان سپر لیگ کے ٹکٹس مفت میں حاصل کرنے کی تلاش ہے۔ چیئرمین پی سی بی نےٹکٹس خرید کر دینے کی پیشکش کی تو ارکان کمیٹی غصے میں آگئے۔
جمعہ کو قومی اسمبلی قائمہ کمیٹی بین الصوبائی رابطہ میں ہنگامہ آرائی ہوگئی۔ ارکان کا کہنا تھا کہ پی سی بی نےکمیٹی ارکان کو پی ایس ایل میچزدکھانےمیں نظراندازکیا۔
اس پر چیئرمین پی سی بی احسان مانی نے کہا کہ ارکان کمیٹی کا کوئی حق نہیں کہ انہیں اعزازی پاسز دیئےجائیں،خود میچزکے ٹکٹس خرید کرعزیز و اقارب کو دیتا ہوں۔
چیئرمین پی سی بی نے ٹکٹس خرید کردینے کی پیشکش کردی جس پر ارکان کمیٹی خرید کر ٹکٹس دینے کی پیش کش پر طیش میں آگئے۔ ارکان کا مؤقف تھا کہ احسان مانی کی پیشکش سے ہمارا استحقاق مجروح ہوا۔
معاملے کی نزاکت پر احسان مانی نے اراکین سےمعافی مانگ لی۔
تازہ ترین
مقبول خبریں
