Thursday, May 19, 2022  | 1443  شوّال  17

مساجد پرحملے کے بعد نیوزی لینڈ اور بنگلہ دیش کے درمیان تیسرا ٹیسٹ منسوخ

SAMAA | - Posted: Mar 15, 2019 | Last Updated: 3 years ago
SAMAA |
Posted: Mar 15, 2019 | Last Updated: 3 years ago

نیوزی لینڈ کے شہرکرائسٹ چرچ ميں نماز جمعہ کے دوران 2 مساجد پر فائرنگ کے واقعے کے بعد کیویز اور بنگلہ دیشی ٹیم کے درمیان کھیلی جانے والی ٹیسٹ سیریز کا تیسرا اور آخری میچ منسوخ کردیا گیا ۔

مساجد پرحملے میں بنگلہ ديش کي قومی کرکٹ ٹيم بال بال بچ گئي کیونکہ کھلاڑی نماز جمعہ کی ادائیگی کے لیے مسجد میں موجود تھے۔ بنگلہ دیشی کھلاڑیوں کو مسجد کے پچھلے دروازے سے بمشکل نکالا گيا۔ جہاں سے انہوں نے تيزي سے نکل کر جان بچائی۔

نیوزی لینڈ کرکٹ بورڈ نے سماجی رابطوں کی ویب سائٹ ٹوئٹر پر اپنے پیغام میں ٹیسٹ منسوخ کیے جانے کی اطلاع دیتے ہوئے اظہار افسوس کیا اور بتایا کہ دونوں ملکوں کے کرکٹ بورڈز کا مشترکہ فیصلہ ہے کہ کل کھیلا جانے والا ہیگلے اوول ٹیسٹ منسوخ کردیا جائے۔

بنگلہ دیش ٹیم کے کپتان تميم اقبال نے بعد ازاں ٹوئٹر پيغام ميں خيريت کي اطلاع دیتے ہوئے بتایا کہ بنگلہ دیش کی ٹیم کے تمام کھلاڑی محفوظ ہیٕں۔

نیوزی لینڈ کی وزیراعظم جیسینڈا آرڈرن نے واقعے پر بريفنگ دیتے ہوئے کہا کہ فائرنگ دہشتگردي کا واقعہ ہے، آج ملکی تاريخ کا سياہ ترين دن ہے، ہمارے ملک ميں تشدد کي کوئي جگہ نہيں۔

پاکستاني ہائي کمشنرعبدالمالک نے سماء سے گفتگو ميں بتايا پاکستانی کمیونٹی سے رابطے میں ہیں، واقعے میں کسی بھی پاکستانی کے زخمی ہونے کی اطلاع نہیں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube