Thursday, May 19, 2022  | 1443  شوّال  17

فیفا ورلڈ کپ سیمی فائنلز دس اور گیارہ جولائی کو ہونگے

SAMAA | - Posted: Jul 8, 2018 | Last Updated: 4 years ago
SAMAA |
Posted: Jul 8, 2018 | Last Updated: 4 years ago
[caption id="attachment_1189037" align="alignnone" width="640"] photo source: Reuters[/caption]

فیفا ورلڈ کپ کی سیمی فائنل لائن اپ مکمل ہوگئی۔ کوارٹر فائنلز میں انگلینڈ نے سوئیڈن کو دو صفر سے ہرا کر ایونٹ سے باہر کردیا۔ کروشیا نے میزبان روس کو سخت مقابلے کے بعد پنالٹی شوٹ آؤٹ پرشکست دے دی۔

فیفا ورلڈ کپ اختتام کی جانب گامزن ہے۔ آخری کوارٹر فائنلز میں انگلینڈ کے فارورڈز کے شاندار کھیل کے مقابلے میں سوئیڈن کے کھلاڑیوں کی ایک نہ چلی۔

انگلش ٹیم نے پہلا گول میچ کے تیسویں اور دوسرا اٹھاون ویں منٹ میں اسکور کیا۔ سوئیڈن کے جوابی حملے ناکام رہے ۔ انگلش ٹیم نے اٹھائیس سال بعد سیمی فائنل میں جگہ بنالی۔

آخری کوارٹر فائنل میں روس اورکروشیا میں گھمسان کا رن پڑا۔ مقررہ وقت تک مقابلہ ایک ایک سے برابر رہا۔ اضافی وقت میں بھی دونوں ٹیموں نے ایک ایک گول داغ دیا۔

میچ کو نتیجہ خیز بنانے کیلئے پنالٹی شوٹ آؤٹ کا سہارا لیا گیا۔ کروشیا نے چار تین سے کامیابی سمیٹ کر فائنل فور میں جگہ بنالی۔

سیمی فائنلز دس اور گیارہ جولائی کو ہونگے۔ پہلے میچ میں بیلجیئم اور فرانس جبکہ دوسرے میں کروشیا اور انگلینڈ کا مقابلہ ہوگا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube