Wednesday, May 18, 2022  | 1443  شوّال  16

اسلام آباد:ایف 9 کےویکسینیشن سینٹرمیں شدیدہنگامہ آرائی،سیکورٹی گارڈز زخمی

SAMAA | - Posted: Jun 28, 2021 | Last Updated: 11 months ago
SAMAA |
Posted: Jun 28, 2021 | Last Updated: 11 months ago

اسلام آباد کے ایف 9 ماس کرونا ویکسینیشن سینٹر میں بیرون ملک جانے والوں کے  احتجاج کے باعث ویکسین لگنے کے عمل کو روک دیا گیا۔

پیر کو ماس ویکسینیشن سینٹر میں بیرون ملک جانے والے افراد کی بڑی تعداد ویکیسن لگوانے پہنچ گئی۔ اس دوران لوگوں کی بڑی تعداد کو اندر جانے سے روکنے کے لیے ایف 9 پارک کا مرکزی داخلی راستہ بند کردیا گیا۔دروازے کا شیشہ ٹوٹنے سے 2 سیکیورٹی اہلکار زخمی ہو گئے اور ویکسینیشن سینٹر میں شدید بدنظمی دیکھنے میں آئی۔وہاں موجود سیکورٹی اہلکاروں اور شہریوں کے درمیان تکرار اور دھکم پیل بھی ہوئی۔

ڈسٹرکٹ ہیلتھ آفیسر زعیم ضیا نے بتایا کہ ویکیسینیشن سنٹر میں آسٹرا زینیکا اور فائزر لگائی جا رہی ہے اور بیرون ملک جانے والوں کو ویکیسن لگانے کا عمل جاری تھا تاہم اس دوران دیگر شہروں سے آنے والے افراد کے باعث رش اچانک بڑھ گیا۔ایس او پیز کے تحت سب کو ایک ساتھ اندر نہیں آنے دیا جا سکتا اس لیے مرکزی دروازے کو بند کیا گیا لیکن ویکیسن لگوانے والے مرکزی دروازہ توڑ کر اندر داخل ہوگئے۔

اسلام آباد:ایف9ویکسینیشن مرکزکے باہر بیرون ملک جانے والوں کا احتجاج

اس سے قبل بھی ایف 9 ماس ویکسینیشن سینٹر پر بدنظمی کے واقعات پیش آچکے ہیں تاہم پولیس نے صورتحال کو کنٹرول کرکے ویکسین کا عمل بحال کروایا تھا۔

کرونا ويکسين لگوانے والوں کيلئے این سی اوسی نے پاليسی تبدیل کردی ہے۔ سائنو ویک اورسائنوفارم کی دوسری ڈوز کا ٹائم 4 ہفتے سے بڑھا کر6 ہفتے کردیا گيا ہے۔ طبی ماہرین کا کہنا ہے کہ دوسری ڈوز کا وقت بڑھنے سے کوئی مشکل درپیش نہیں ہوگی۔

WhatsApp FaceBook
تازہ ترین
Islamabad kai vaccination center per hangama aarai
 
 
Facebook Twitter Youtube