Tuesday, May 17, 2022  | 1443  شوّال  15

شہری کی تھانیدار کو رشوت کی پیشکش مہنگی پڑگئی

SAMAA | - Posted: Dec 7, 2020 | Last Updated: 1 year ago
SAMAA |
Posted: Dec 7, 2020 | Last Updated: 1 year ago

نارووال کے علاقے چک امرو میں ایک شہری کی جانب سے اپنے بیٹے کو رعایت دلوانے کے لیے ایس ایچ او کو رشوت کی پیشکش مہنگی پڑگئی۔

اتوار کو کبیر احمد ناجائز اسلحے کے الزام میں پکڑے گئے اپنے بیٹے اویس کو مقدمے میں رعایت دلوانے کی غرض سے ایس ایچ او تھانہ امرو اکرام الحق کے دفتر میں انہیں رشوت دینے کی کوشش کی جو پولیس افسر نے ٹھکرادی۔

سرکاری افسر کو رشوت دینے کی کوشش پر شہری کے خلاف ایس ایچ او کی مدعیت میں مقدمہ درج کرلیا گیا ہے۔ ایف آئی آر میں مدعی کا کہنا ہے کہ انہیں رشوت دینے کی کوشش کی گئی جسے انہوں نے یہ کہہ کر ٹھکرادیا کہ تھانے میں کسی کام کے لیے رشوت کی نہیں بلکہ حق پر ہونے کی ضرورت ہوتی ہے۔

شہری کی جانب سے رشوت دینے کی کوشش کی فوٹیج دفتر ایس ایچ او کے دفتر میں لگے سی سی ٹی وی کیمرے میں ریکارڈ بھی ہوئی ہے۔

ڈی پی او نارووال نے اس اطلاع پر نوٹس لیا جس کے بعد مقدمہ درج کیا گیا۔ ڈی پی او کا کہنا ہے کہ کسی کو قانون کے ساتھ کھیلنے کی اجازت نہ دی جائے گی۔

WhatsApp FaceBook
تازہ ترین
 
 
 
 
 
 
 
 
Facebook Twitter Youtube