Thursday, May 19, 2022  | 1443  شوّال  17

بہت جلد ’واٹس ایپ ویب‘ پر کالنگ فیچر دستیاب ہوگا

SAMAA | - Posted: Oct 20, 2020 | Last Updated: 2 years ago
SAMAA |
Posted: Oct 20, 2020 | Last Updated: 2 years ago

کورونا وائرس کی عالمی وبا کی وجہ سے ویڈیو کالز میں اضافہ ہوا ہے جس کا فیس بک اور زوم جیسی کمپنیوں نے بھر پور فائدہ اٹھایا ہے۔

اس موقع سے فائدہ اٹھانے کے لیے رواں سال کے شروع میں واٹس ایپ نے بھی گروپ کال کی حد کو چار سے بڑھا کر آٹھ کردیا تھا مگر یہ آڈیو، ویڈیو کالنگ کی سہولت صرف اسمارٹ فون پر ہی دستیاب رہی۔

اب ایسا لگتا ہے کہ واٹس ایپ جلد ہی ڈیسک ٹاپ یعینی واٹس ایپ ویب پر بھی کالنگ کی سہولت دستیاب ہوگی۔

واٹس ایپ پر نظر رکھنے والی ویب سائٹ WABetaInfo  کے مطابق کمپنی نے اپنے ایک ٹیسٹ ایپ میں ڈیسک ٹاپ کالنگ فیچر بنانا شروع کردیا ہے۔ جب یہ فیچر تیار ہوکر متعارف ہوجائے تو صارفین واٹس ایپ ویب کے ذریعے انفرادی اور گروپوں آڈیو اور ویڈیو کالز کرسکیں گے۔

یہ بات واضح نہیں ہے کہ فیچر کب تک عام صارفین کے لیے دستیاب ہوگا مگر واٹس ایپ نے باقاعدہ اس پر کام شروع کردیا ہے۔

واضح رہے کہ کورونا وائرس کی وبا کے بعد سماجی فاصلے کو یقینی بنانے اور گھر سے کام کرنے کے باعث ورچوئل میٹنگز، سیمینارز، مباحثے اور دیگر پروگرامات کے باعث گروپ کالز کی سہولت فراہم کرنے والے پلیٹ فارمز کی مارکیٹ میں اضافہ ہوا ہے۔

رواں سال اقوام متحدہ کی جنرل اسمبلی کے اجلاس سے سربراہان مملکت نے بھی آن لائن خطاب کیا۔

WhatsApp FaceBook
تازہ ترین
 
 
 
 
 
 
 
 
Facebook Twitter Youtube