Tuesday, May 17, 2022  | 1443  شوّال  16

راولپنڈی میں موسم بدلتےہی ڈینگی کاخطرہ بڑھنےلگا

SAMAA | - Posted: Feb 29, 2020 | Last Updated: 2 years ago
SAMAA |
Posted: Feb 29, 2020 | Last Updated: 2 years ago

راولپنڈی میں گزشتہ برس 28 افراد ڈینگی وائرس کا شکار ہو کر جان سے گئے۔ موسم بدلتے ہی ایک بار پھر ڈینگی کا خدشہ سر اٹھانے لگا ہے۔ پنجاب حکومت نے اس بار خطرے سے نمٹنے کیلئے اقدامات شروع کردئیے ہیں۔

سال 2019 میں ڈینگی مچھر نے راولپنڈی میں مجموعی طورپر15ہزار افراد وائرس سے متاثر ہوکر اسپتالوں میں پہنچے۔ سرکاری طور پر 28 مریضوں کےجاں بحق ہونے کی تصدیق بھی کی گئی۔ گزشتہ برس ڈینگی کےتابڑ توڑ حملوں کے بعد صوبائی حکومت نے ڈینگی ایمرجنسی کا نفاذ کرکے خصوصی وارڈز بھی قائم کئے۔ محکمہ صحت راولپنڈی نے کہا ہے کہ اس سال پیشگی انتظامات یقینی بنائیں گے۔

ضلعی انتظامیہ نے کہا ہے کہ ڈینگی مچھر کے خاتمے اور مریضوں کے علاج کیلئے پہلے سے بہتر تیاری کی ہوئی ہے۔  ڈپٹی کمشنر راول پنڈی انوارالحق نے کہا ہے کہ ہمیں2000 سینٹری پٹرول اور 28 انٹامولوجسٹ بھرتی کرنے کی اجازت دے دی ہے۔ تھرڈ پارٹی اولیویشن کے لیے ٹیمیں تشکیل دی ہیں ۔

WhatsApp FaceBook
تازہ ترین
 
 
 
 
 
 
 
 
Facebook Twitter Youtube