کراچی میں 15 لاکھ کتوں کیلئے 97 کروڑ منظور
SAMAA |
Mansoor Mugheri
Posted: Feb 18, 2020 | Last Updated: 2 years ago
سندھ حکومت نے کراچی میں 15 لاکھ آوارہ کتوں کی نس بندی اور ٹیکے لگانے کیلئے 97 کروڑ روپے کی خطیر رقم مختص کردی ہے مگر ان کتوں کا ریکارڈ رکھنے اور ان کی پہچان کیلئے کوئی نظام متعارف نہیں کیا۔
سندھ حکومت نے کتوں کی نس بندی کیلئے محکمہ بلدیات کو 97 کروڑ روپے بجٹ دیا ہے جس کے تحت رواں 2 لاکھ 50 ہزار کتوں کی نس بندی کی جائے گی مگر ان کتوں کی کی مانیٹرنگ اور ریکارڈ کیلئے کسی قسم کی منصوبہ بندی نہیں کی گئی۔
ذرائع کے مطابق جناح اسپتال کی ایگزیکٹو ڈائریکٹر سیمی جمالی نے بھی سندھ حکومت کے اس اقدام پر اعتراض اٹھاتے ہوئے کہا تھا کہ آخر تصدیق کیسے ہوگی کہ کتوں کی نس بندی ہوئی اور ٹیکے لگے ہیں۔
محکمہ بلدیات کا کہنا ہے کہ نس بندی اور ٹیکے لگانے کے بعد آوارہ کتوں کی مانیٹرنگ بہتر کرنے کی کوشش کریں گے۔
تازہ ترین
مقبول خبریں
