ملتان میں متعدد پبلک مقامات فری وائی فائی سے محروم
SAMAA |
Asif Baloch
Posted: Sep 3, 2019 | Last Updated: 3 years ago
ملتان میں پنجاب حکومت کی جانب سے مختلف مقامات پر فراہم کی گئی مفت وائی فائی کی سہولت انٹرنیٹ راؤٹرز خراب ہونے کے باعث تعلطل کا شکار ہوگئی۔
حکومت نے شہر کی 30 جگہوں بشمول جناح پارک، دم دمہ، گھنٹہ گھر، برن یونٹ اسپتال اور کلمہ چوک پر شہریوں کو فری وائی فائی کی سہولت فراہم کی تھی تاہم 15 مقامات پر اب یہ سروس بند ہے۔
ان میں سے 14 مقامات پر انٹرنیٹ راؤٹرز خراب ہوچکے ہیں جبکہ دم دمہ میں نصب کیا جانیوالا راؤٹر چوری ہوچکا ہے۔
مذکورہ مقامات پر فری وائی فائی استعمال کرنے والے شہریوں نے اس معاملے میں متعلقہ شعبہ کی عدم توجہی پر ناراضی کا اظہار کرتے ہوئے سہولت دوبارہ شروع کرنے کا مطالبہ کردیا۔
سہولت کی عدم دستیابی کی وجہ فنڈز کی کمی بتائی جارہی ہے تاہم متعلقہ افسران کا کہنا ہے کہ وائی فائی کی سہولت بحال کرنے کیلئے اقدامات جلد کرلئے جائیں گے۔
تازہ ترین
مقبول خبریں
