Wednesday, May 18, 2022  | 1443  شوّال  16

فريال تالپور کی نا اہلی کیلئے اليکشن کميشن ميں درخواست دائر

SAMAA | - Posted: Jun 24, 2019 | Last Updated: 3 years ago
SAMAA |
Posted: Jun 24, 2019 | Last Updated: 3 years ago

تحريک انصاف کے رہنما حليم عادل شيخ اور ارسلان تاج نے فريال تالپور کی نا اہلی کے لیے اليکشن کميشن ميں درخواست دے دی۔

الیکشن کمیشن کو دی گئی درخواست میں حلیم عادل شیخ نے موقف اختیار کیا ہے کہ کسی بھی امیدوار کو کاغذات نامزدگی جمع کراتے وقت اپنے تمام اثاثے ڈکلیئر کرنا پڑتے ہیں مگر فریال تالپور نے اپنی تین پراپرٹیز ڈکلیئر نہیں کیں۔ الیکشن کمیشن غلط بیانی اور اثاثے چھپانے کی پاداش میں فریال تالپور کو اسمبلی کی رکنیت کیلئے نا اہل قرار دے۔

فریال تالپور لاڑکانہ سے سندھ اسمبلی کے حلقہ 10 سے منتخب ہوئیں اور اس وقت وہ جعلی اکاؤنٹس کیس میں نیب کی تحویل میں ہیں۔ انہیں 14 جون کو اسلام آباد میں واقع زرداری ہاؤس سے حراست میں لیا گیا تھا۔

درخواست جمع کرانے کے بعد حلیم عادل شیخ نے میڈیا سے گفتگو کرتے ہوئے کہا کہ وزیراعظم عمران خان گھوٹکی میں تعزیت کیلئے گئے تھے الیکشن کی مہم چلانے نہیں۔ لگتا ہے ڈی ایم او پر بھی نوابشاہ کا اثر ہوگیا ہے۔

انہوں نے کہا کہ بلاول صاحب اچھاہوا، آپ نےبتا دیا کہ بالغ ہوگئے ہیں۔ ہم بلاوجہ آپ کو بچہ سمجھ رہے تھے۔ بچہ اب معصوم نہیں رہا۔ اکاؤنٹ سے پیسے نکل آئے ہیں۔ جب بلاول کے اکاأنٹ میں پیسے آرہے تھے، اس وقت کیوں نہیں کہا کہ نہیں چاہئے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube