Monday, May 16, 2022  | 1443  شوّال  14

پاکستان میں پہلاروزہ 6مئی کو یا7 مئی کو؟رویت ہلال کمیٹی کا اجلاس آج ہوگا

SAMAA | - Posted: May 5, 2019 | Last Updated: 3 years ago
SAMAA |
Posted: May 5, 2019 | Last Updated: 3 years ago

محکمہ موسمیات نے بروز اتوار رمضان المبارک کا چاند نظر نہ آنے کی پیشگوئی کی ہے، تاہم پہلا روزہ پیر کو ہوگا یا منگل کو، رویت ہلال کمیٹی اس بات کا حتمی اعلان آج مرکزی اجلاس میں کرے گی۔

پاکستان میں رمضان المبارک کا چاند دیکھنے کیلئے 5 مئی بروز اتوار (29 شعبان) کو مرکزی رویت ہلال کمیٹی کا اجلاس ہوگا، جو ملک بھر سے موصول شہادتوں کی روشنی میں پہلے روزے کا اعلان کرے گی۔

 

محکمہ موسمیات نے پیشگوئی کی ہے کہ آج اتوار کو ملک کے کسی بھی حصے میں چاند نظر آنے کا امکان نہیں، اس لئے ملک بھر میں پہلا روزہ منگل 7 مئی کو ہوگا۔ میٹ آفس کے مطابق آج غروب آفتاب کے بعد پاکستان میں چاند کی رویت کا وقت صرف 2 تا 6 منٹ ہوگا، جب کہ کراچی میں چاند کی عمر 5 منٹ اور کوئٹہ میں 2 منٹ ہوگی۔

 

محکمہ موسمیات کے مطابق 29 شعبان کی شام چاند کی پیدائش ہوجائے گی، تاہم اتوار کو چاند نظر آنے کیلئے عُمر پوری نہیں ہوگی، پیر کی شام چاند نظر آنے کے واضح امکانات ہیں۔

 

ہر سال کی طرح اس سال بھی مرکزی رویت ہلال کمیٹی کا اجلاس چیئرمین مفتی منیب الرحمان کی زیر صدارت ہوگا، جب کہ چاروں زونل کمیٹیاں اپنے اپنے علاقوں میں چاند نظر آنے یا نہ آنے سے متعلق شہادتیں جمع کریں گی۔

 

دوسری جانب سعودی عرب سمیت خلیجی ریاستوں میں پہلا روزہ پیر کو ہوگا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube