Monday, May 16, 2022  | 1443  شوّال  15

پی ایس پی رہنماء کا قتل سوتیلی ماں نے کروایا ، پولیس

SAMAA | - Posted: Mar 7, 2019 | Last Updated: 3 years ago
SAMAA |
Posted: Mar 7, 2019 | Last Updated: 3 years ago

 

پی ایس پی کے عہدے دار عبدالحبیب خلجی کا قاتل کوئی اور نہیں سوتیلی ماں نکلی ۔

پولیس کے مطابق پاک سرزمین پارٹی کے رہنما عبدالحبیب خلجی کے قاتل کو گرفتار کرلیا گیا ، عبدالحبیب کو اس کی سوتیلی ماں نے قتل کرایا۔

پولیس کے مطابق عبدالحبیب کا قتل جائیداد کے تنازع پر کیا گیا ، سید علی نامی شخص کو قتل کيلئے 12 لاکھ روپے دیے جبکہ سوتیلی ماں ہاجرا کو گرفتار کرلیا۔

یاد رہے کہ 18 فروری کو فائیو اسٹار چورنگی کے قریب نامعلوم موٹر سائیکل سواروں نے گاڑی پر فائرنگ کرکے پاک سرزمین پارٹی کے رہنماء عبدالحبيب خلجی کو قتل کردیا۔

کراچی : نارتھ ناظم آباد فائرنگ، پی ایس پی رہنماء قتل

عبدالحبيب خلجي عام انتخابات 2018ء میں سندھ اسمبلی کی نشست پی ایس 122 سے امیدوار تھے، انہوں نے ایک ہزار 978 ووٹ حاصل کیے تھے۔

پی ایس پی رہنماء آصف حسنین نے واقعے کا الزام بھارتی خفیہ ایجنسی پر لگاتے ہوئے کہا کہ عبدالحبیب خلجی کے قتل میں راء ملوث ہے۔

پولیس نے جائے وقوعہ سے 7 خول تحویل میں لے کر فارنزک کےلیے بھیج دیئے۔ عینی شاہدین کے بیانات کی روشنی میں واقعے کی تحقیقات شروع کر دی گئی۔

WhatsApp FaceBook
تازہ ترین
 
 
 
 
 
 
 
 
Facebook Twitter Youtube